Teywen xitay bilen munasiwetni yaxshilash üchün igilik hoqoqini qurban qilmaydighanliqini bildürdi

Teywen prézdénti chin shüybiyen peyshenbe küni téléwizorda nutuq sözlep, xitay chong quruqluqi bilen munasiwitini yaxshilash üchün, hergizmu teywenning igilik hoqoqi, bixeterliki we ghororini qurban qilmaydighanliqini bildürdi.

Chin shüybiyen nöwette panamani ziyaret qiliwatqan bolup, u jüme künidiki teywen armiye bayrimi munasiwiti bilen yuqirdiki nutuqni aldin'ala sin'alghugha élip, peyshenbe küni élan qilghan.

U sözide mundaq digen: "biz ikki qirghaq munasiwitini normallashturush üchün köp qétim dostane niyitimizni ipadiliduq. Biraq xitay hökümitining teywenning hazirqi ornigha köz yumghanliqi, ikki terep ixtilabini keltürüp chiqiriwatqan asasliq amil boliwatidu".

Chin shüybiyen bu nutuqni élan qilishtin bir nechche kün ilgiri, teywendiki xen'gu'ang herbiy manéwirni ötküzüshni bikar qilghan idi. Melumatlargha qarighanda, xitay terepmu teywenni nishan qilghan bir herbiy manéwirni ötküzmigen.

Buningdin sirt amérika birleshme axbarat agéntliqining bildürishiche, yéqinda teywende élip bérilghan bir qétimliq xelq rayini sinashta, % 73 kishining, xitayning olimpik tenterbiye yighinida érishken altun midal sanidin pexirlenmeydighanliqi melum bolghan. (Arzu)