خىتاينىڭ تەيۋەن ئىشخانىسى تەيۋەن مۇستەقىللىقى تەۋەككۈلچىلىق دەپ جاكارلىدى

كوممۇنىست خىتاينىڭ تەيۋەن ئىشخانىسى 5 ‏- ئاينىڭ 30 ‏- كۈنى، تەيۋەن دېموكراتىيە -ئىلغارلىق پارتىيىسىنىڭ 'تەيۋەن نورمال دۆلەت' دېگەن باياناتىغا قارشى ئاق تاشلىق كىتاب ئېلان قىلىپ 'تەيۋەن مۇستەقىللىقى تەۋەككۈلچىلىق' دەپ جاكارلىدى.

ب ب س نىڭ بايان قىلىشىچە، خىتاينىڭ تەيۋەن ئىشخانىسى تەيۋەن دېموكراتىيە -ئىلغارلىق پارتىيىسىنىڭ 'تەيۋەن نورمال دۆلەت' دېگەن باياناتىدىكى 'توغرا نام قوللىنىش'، 'خىتاي دېگەن نامنى ئەمەلدىن قالدۇرۇش' ، 'ئاساسىي قانۇن ئىسلاھاتى' دېگەن سىياسەتلەرنى ۋە تەيۋەننىڭ تەيۋەن دېگەن نام بىلەن بىرلەشكەن دۆلەتلەر تەشكىلاتىغا كىرىشكە ئىلتىماس قىلىدىغانلىقىنى قاتتىق ئەيىبلىگەن.

تەيۋەندىكى دېموكراتىيە-ئىلغارلىق پارتىيىسىنىڭ خىتاي ئىشلىرى ئىشخانىسى بۇنىڭغا ئىنكاس قايتۇرۇپ 'ھازىر تەيۋەندە 75%-80% خەلق ئۆزىنى 'جۇڭگولۇق' دەپ ھېسابلىمايدۇ. 90% دىن ئارتۇق خەلق تەيۋەننىڭ ئىستىقبالىنى تەيۋەنلىكلەر ئۆزى بەلگىلىشى كېرەك، دەپ قارايدۇ. بۇ ئورتاق كۆز قاراش. تەيۋەننىڭ ئىگىلىك ھوقۇقىنى تەيۋەندىكى 23 مىليون خەلق ئۆزى بەلگىلەيدۇ' دەپ بايان قىلغان. (ۋەلى)