Тйәнәнмин анилири 4 - июн вәқәсиниң 17 йиллиқи мунасивити билән баянат елан қилди

4 - Июн тйәнәнмин вәқәсиниң 17 йиллиқи хатирә күни йетип келиш алдида, тйәнәнмин анилири, дәп аталған тйәнәнмин вәқәсидә өлгәнләрниң аилә - тавабатлири " бизниң етиқадимиз вә тәшәббусимиз 4 - июнниң 17 йиллиқини хатириләш " дегән мавзуда баянат елан қилип, бейҗиң даирилиридин тйәнәнмин вәқәсини ақлашни вә өлгүчиләрниң аилә - тавабатиға төләм төләшни тәләп қилди.

Җуңго тинч йол билән өткүчи дәврниң назук бир дәвридә турмақта" дәп тәкитлигән баянатта " буниңдин 17 йил илгири йүзбәргән 4 - июн қирғинчилиқини көздин кәчүрүш тарихий әһмийәткә игә " дәйду. 1989 - Йили 4 - июн күни җуңго азатлиқ армийиси тйәнәнмин мәйданидики намайишчиларни танкилар билән бастуруп, йүзлигән вә миңлиған оқуғучиларниң өлүшини кәлтүрүп чиқарған иди.

Тйәнәнмин анилириниң баянатида илгири сүрүшичә, һөкүмәт вәқәниң қануний җавабкарлирини сүрүштүрүш, өлгүчиләрниң аилә тавабатидин әпу сораш вә уларға төләм төләш керәк. Баянатта " биз бу мәсилиниң қәдәмму - қәдәм һәл қилиниши керәкликини чүшинимиз," дәйду. Хитай даирилири һазирғичә тйәнәнмин вәқәсини ақлашни рәт қилип кәлмәктә. Хитай сот мәһкимилири тйәнәнмин анилири тәрипидин сунулған вәқәниң җавабкарлирини сотқа тартиш тоғрисидики әрзнамини қобул қилишни рәт қилип кәлди. (Әркин)