Xitaylar bilen tungganlar otturisida yüz bergen toqunushlarda az dégende 20 kishi öldi

Fransiye axbarat agéntliqining xewer qilishiche, xitayning xénen ölkisining jongmaw nahiyiside tungganlar bilen xitaylar otturisida yüz bergen toqunushlarda az digende 20 kishi ölgen 42 kishi yarilan'ghan. Xewerlerge qarighanda, jongmaw nahiyisi xitay armiyisi teripidin pütünley qorshalghan bolup, kishilerning nahiyige kirish -chiqishi cheklen'gen.

Xitay hökümiti düshenbe küni tungganlar we xitaylar otturisida toqunushlar yüz bergenlikini étirap qildi. Lékin, shinxu'a agéntliqining xewer qilishiche, toqunushlar jeryanida 7 kishi ölgen we 42 kishi yarilan'ghan bolup, hökümet weqe bilen munasiwetlik dep qaralghan 18 kishini qolgha alghan.

Fransiye agéntliqining bildürüshiche, tungganlar we xitaylar otturisidiki toqunushlar ötken hepte bir xitay yézisidin ötken tunggan shopurning xitaylar teripidin urulghanliqi sewebidin bashlan'ghan idi. (Qanat)