Xitayda, kömür kan ishchiliri bilen saqchilar arisida toqunush yüz berdi


2005-08-22
Share

Béyjing hökümitining, xitayning jenubiy rayonida qanunsiz pa'aliyet élip bériwatqan kömür kanlarni partlitish arqiliq pütünley taqash herikiti, kömür kan ishchiliri bilen saqchilar otturisida toqunush chiqishigha seweb bolmaqta.

Franisye agéntliqining béyjingdin xewer qilishiche, gwangdung ölkisidiki hökümet emeldarliri, yéqinda bu yerde qanunsiz pa'aliyet élip bériwatqan bir kömür kanda yüz bergen we 122 kömür kan ishchisining ölümini keltürüp chiqarghan weqedin kéyin, bu ölkidiki qanunsiz kömür kanlarni pütünley taqashni qarar qilghan. Lékin ularning bu herikiti kömür kan ishchilirining qattiq qarshiliqigha uchrighan.

Xewerde éytilishiche, 8 - ayning 16 - küni lyenju shehiride ming etrapidiki kömür kan ishchisi we yéza xelqi saqchilar bilen toqunushqan. Shundaqla shawgwen shehiri sirtida kömür kan'gha meblegh salghan minglighan rayon ahalisi hökümetning rayondiki kömür kanlarni taqash qararigha qarshi naraziliq namayishi ötküzgen.

Lyenjudiki shichung kömür kanining sabiq ishchilirining fransiye agéntliqigha bildürüshiche, hökümet emeldarliri aldin xewer qilmastin, kömür kanlarni partlatqan bolup, bu heriket rayondiki ahale, kömür kan ishchiliri we saqchilar otturisida toqunush chiqishigha sewep bolghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet