Gu'angdungda yer majrasi sewebidin déhqanlar bilen saqchilar toqunushup qaldi

• 
  2006-06-14

Gu'angdung ölkiside 23‏- iyon küni yer dawasi qiliwatqan nechche minglighan déhqan saqchilar bilen toqunushup qélip, az dégende ikki kishi yarilan'ghan.

Bu majragha chétilghan shenté-xüyshing öy-mülük tijariti shirkitining amérika birleshme agéntliqigha melum qilishiche, nechche minglighan déhqan bu shirketning ularning yerlirini sétiwalghanliqi üchün bergen heqqighe narazi bolup namayish qilghan hemde mezkur shirket qurulush qiliwatqan jaylarni urup-chéqishqa bashlighan. Netijide déhqanlar bu shirketning ikki neper muhapizetchisini urup yarilandurghan.

Bu shirket mes'uli déhqanlar bilen bolghan tijaretning qanunluq élip bérilghanliqini tekitligen bolsimu, lékin déhqanlarning yer-zémini üchün zadi qanchilik heq bergenlikini éytishni ret qilghan. Xitayda bu xil yer majraliri kündin-kün'ge éghirlishiwatqan bolup, köpünche déhqanlar yer sodigerlirining yerlik hökümet rehberliri bilen birliship, déhqanlarning yerlirini erzan bahada sétiwalghanliqidin zarlinidiken.

Xitay hökümitining 2005‏- yili dékabirda chiqarghan bir doklatida körsitilishiche, ötken yili 11 ayning ichide hökümet emeldarlirining qanunsiz halda ishletken hökümet pulining sommisi 290 milyard yüen yeni 36 milyard amérika dollirigha yetken. (Peride)