Türkiye xitay bilen Uyghurlar we kürd mesilisi boyiche mexpiy kélishim tüzgen

Türkiye bilen xitay 1998 - yili Uyghurlar we kürd mesilisi boyiche térrorchiliqqa qarshi mexpiy kélishim tüzüp, bir - birige Uyghurlarning türkiyide xitaygha qarshi pa'aliyet élip bérishigha yol qoymaydighanliqini we béyjing hökümiti kürdlerning türkiyige qarshi xitayda pa'aliyet élip bérishigha ruxset qilmaydighanliqini wede qilghan.

Ismini ashkarilashni xalimaydighan emma weqedin xewerdar türkiyilik erbaplarning ashkarilishiche, bu kélishim eyni chaghdiki türkiye ichki ishlarministiri sa'adettin tantan bilen xitay jama'et xewpsizlik ministiri jya chünwang teripidin sa'adettin tantan béyjingni ziyaret qilghanda imzalan'ghan.

Her ikkila dölet hazirghiche xitay - türkiye otturisida bundaq bir kélishimning barliqini élan qilip baqmighan bolsimu, emma yéqinqi bir qanche yildin béri ikki dölet edliye da'irilirining öz ara bérip - kélishi roshen derijide köpiyishke bashlighan.

Weqedin xewerdar türkiyilik erbaplarning tekitlishiche, türkiye hökümitining yawropa we amérikidiki bezi Uyghur siyasiy rehberlirini türkiye chégrisidin kirgüzmeslikige bu kélishim sewebchi bolghan. Türkiye da'iriliri ilgiri dunya Uyghur qurultiyining bash katipi dolqun eysani chégrida tosuwalghan idi.

Türkiye 1998 - yili mes'ud yilmaz hökümiti dewride mexpiy höjjet chüshürüp, hökümet we dölet erbaplirining sherqiy türkistan teshkilatliri uyushturghan yighinlargha qatnishishini we yighin zaligha sherqiy türkistan bayriqi ésishni chekligen idi. (Erkin)