Xelq wekilliri béyjingge kelgende, hökümet saqchiliri xelqni tutqun qilghan

1-Mart küni, ikki yighin mezgilide erz sun'ghuli kelgen kishiler. AFP

Béyjingde échilghan ikki chong yighin heqqide, hazir amérikining nyo-york shehride turiwatqan xitay mesililiri boyiche siyasi mulahizichi lin bawxu'a ependi mundaq dédi:

- Bu ikki chong yighin "xelq wekilliri" memliketning her qaysi jayliridin béyjingge kélip achqan yighin, bu wekiller mezkezge her qaysi jaylarning ehwalini, bolupmu xelqning der - ehwalini inkas qilip, saqlan'ghan mesililerni hel qilili kélidu. Emma shundaq qilidighan ikki chong yighin échilighan mezgilde, xitay hökümitining saqchiliri béyjingge bashqa ölkilerdin dert éytip kelgen, özlirining tengsizlikke, adaletsizlikke uchrighan emeliy ehwalini inkas qilghili kelgen xelqni tutqun qilghan. Esli qa'ide boyiche bolsa, mezkizi hökümetning rehberliri dert éytip kelgen xelqning aldigha özliri chiqip, ularning derdini anglap béqishi lazim idi. Qedemki zamanlardiki fé'odal sulalilarning padishahli'irimu shundaq qilalaytti. Emma kommunist partiye "xelq wekilliri" béyjingge kelsila xelqni tutqun qilidu, bu qétim xelqni téximu köplep tutqan. Xelqning wekili kelse xelqni tutqin qilidighan bu qandaq mentiqe! gézitlarda eytilishiche, xelqni tutqin qilidighan ishqa resmi saqchilardin bashqa yene "amanliqni saqlash" dep atilidighan belge ésiwalghan 250 ming "saqchi"nimu seperwer qilghan. Bu heqiqetenmu kishini ghezeplendüridighan heriket. Buni qandaqmu xelqning döliti, xelqning hökümiti, xelqqe wekillik qilidu, dégili bolsun?

Xelq qurultiyining yighini xu jintaw testiqlighan layihilerni maqullap ayaghlashqan

Shinxu'a agéntliqi 2 - ayning 28 - küni xewer qilishiche, 10 - nöwetlik memliketlik xelq qurultiyining 14 - qétimliq yighini béyjingge kelgen 2988 neper xelq wekili re'is xujintaw testiqlighan "jongxu'a xelq jumhuriyitining jinayi ishlar qanunigha tüzütüsh kirgüzüsh layihisi", "qayta paydilinidighan énérgiye qanuni" qatarliq layihilerde awaz bérish bilen ayaghlashqan. Re'is wu banggo bu yighinni intayin muhim yighin, bu yighin hem döletning parchilinishigha qarshi turush qanun layihisinimu esteyidilliq bilen qarap chiqti, dégen.

Xelq wekilliri béyjingge kelgende, hökümet saqchiliri xelqni tutqun qilghan

Fransiye agéntliqining béyjingdin xewer qilishiche, yilda bir qétim échilip turidighan ikki chong yighin bu yil bashlan'ghan haman, hökümet saqchiliri béyjingge dert éytqili kelgen xelqtin az dégende 440 ademni tutqun qilghan. Az dégende 100 ademni qattiq urghan. Saqchi aptomobilliri kochilarni kéche - kündüz aylinip yürgen.

Shinxu'a agéntliqi arqiliq éniqlinishiche, hökümet bu ikki yighin mezgilkide 650 ming kishilik "pida'i qisim" seperwer qilghan. Hökümet bultur mushu künlerde 12 ming tor bétini taqiwetken idi. Bu qétim intérnétni 24 sa'et közitip, erkin pikirlerning chiqishini tosqan. Siyasi kéngesh yighinimu özining xizmet tüzümini maqullap ayaghlashqan

"Xelq géziti" ning xewer qilishiche, 10 - nöwetlik memliketlik siyasi kéngeshning 8 - qétimliq yighinimu mushu künde ayaghlashqan. Re'is ja chinglinning éytishiche, bu yighinda yene siyasi kéngeshning nizamnamisini yürüshleshtüridighan xizmet tüzümi heqqide qarar maqullan'ghan. Bu kéngeshning qarimiqidiki "partiyisiz démokratik zatlar" dégen namni "partiysiz zatlar" dep özgertish, "tarixiy eserler komitéti" dégen namni "tarixiy eserlerni ügünüsh komitéti" dep özgertish qarar qilin'ghan.

Xelq béyjingge kélip derdini éytip bolghiche tutulup ketken

"Ulugh ira géziti" ning xewer qilishiche, buyil "xelq wekilliri" béyjingge yighin'gha kelgende, kommunist hökümiti yéngiche tedbir qollinip, dert eyqili kelgen xelqni keng kölemde tutqin qilghan. "Xelq wekilliri" ölturghan mashinilar kochidin ötkende, saqchilarxelqni ulargha yéqinlashmay aylining ötüshke mejburlighan. Bu maqalida yene birmunche resimlik xewer bar. Resmilerde chirayini ghem we dert elem qaplighan chokanlar, yighlawatqan anilar, béshi qatqan bowaylar bar. Xewerde eytilishiche, dert eyqili kelgen bu kishiler hökümet ornigha bérip özining derdini eytip bolghiche saqchilar teripidin tutqin qilinip ketken. (Weli)