Капиталистик Wal-Mart җуңгода комунистлашти

Дуня бойичә әң чоң парчә сетиш зәнҗири болған америка ширкитиWal-Mart (вал-март) ниң җуңгодики тармақ дуканлирида тунҗи коммунистик партийә ячейкиси қурулди.

Хитай мәтбуатлири буни Wal-Mart дуняниң әң чоң коммунистик партийә ячейкисиға игә болди, дәп язған. Шәрқий шималдики шиняң шәһәрлик парткомниң бир әмәлдари, шинхуа ахбарат агентлиқиға америка йәр шари капитализмниң символи болған Wal - Mart ниң бу шәһәрдики тармақ дукинида 12 ‏- авғуст күни коммунистик партийә ячейкиси қурулғанлиқини ашкарилиған.

Шинхуа ахбарат агентлиқиниң әскәртишичә, Wal - Mart ниң ишчи - хизмәтчилири әмди компартийигә әза болушни илтимас қилаладикән. Лекин шинхуа ахбарат агентлиқи, Wal - Mart ниң шиняңдики дукинида ишләйдиған 700 нәпәр ишчи - хизмәтчидин һазирғичә қанчә кишиниң 70 милйон әзаси бар бу партийигә илтимас сунғанлиқини тилға алмиди.

Ройтерс ахбарат агентлиқиниң әскәртишичә, Wal-Mart ширкитиниң баянатчиси бу мәсилигә дәрһал баһа бериштин өзини қачурған. Буниңдин сәл илгири Wal - Mart хитай даирилириниң ишчилар уюшмиси қурушиға қошулған. (Әркин)