Kapitalistik Wal-Mart junggoda komunistlashti

Dunya boyiche eng chong parche sétish zenjiri bolghan amérika shirkitiWal-Mart (wal-mart) ning junggodiki tarmaq dukanlirida tunji kommunistik partiye yachéykisi quruldi.

Xitay metbu'atliri buni Wal-Mart dunyaning eng chong kommunistik partiye yachéykisigha ige boldi, dep yazghan. Sherqiy shimaldiki shinyang sheherlik partkomning bir emeldari, shinxu'a axbarat agéntliqigha amérika yer shari kapitalizmning simwoli bolghan Wal - Mart ning bu sheherdiki tarmaq dukinida 12 ‏- awghust küni kommunistik partiye yachéykisi qurulghanliqini ashkarilighan.

Shinxu'a axbarat agéntliqining eskertishiche, Wal - Mart ning ishchi - xizmetchiliri emdi kompartiyige eza bolushni iltimas qilaladiken. Lékin shinxu'a axbarat agéntliqi, Wal - Mart ning shinyangdiki dukinida ishleydighan 700 neper ishchi - xizmetchidin hazirghiche qanche kishining 70 milyon ezasi bar bu partiyige iltimas sun'ghanliqini tilgha almidi.

Roytérs axbarat agéntliqining eskertishiche, Wal-Mart shirkitining bayanatchisi bu mesilige derhal baha bérishtin özini qachurghan. Buningdin sel ilgiri Wal - Mart xitay da'irilirining ishchilar uyushmisi qurushigha qoshulghan. (Erkin)