Бейҗиңда хитай хәлқ қурултийиға қатнишиватқан уйғур вәкиллири ахбаратчиларниң зияритини растинла қобул қилаламду ?

Хитайниң мәмликәтлик хәлқ қурултийиға қатнишиватқан вәкилләр өмики ахбарат алақичисиниң алақилишиш номури, йеқинда мәмликәтлик хәлқ қурултийи ахбарат мәркизи тор понкитида елан қилинған болуп, хитай ахбарат вастилириниң бу һәқтә бәргән хәвиридә ейтилишичә, бу уйғур аптоном район вәкилләр өмики ахбарат хәвәрлириниң җуңго һәмдә чәтәл ахбарат вастилириға йәниму ечиветилгәнликидин дерәк беридикән.

Хәвәрдә ейтилишичә, бу йил мәмликәтлик хәлқ қурултийи ахбарат мәркизи тор понкитида тунҗи қетим һәр қайси вәкилләр өмикиниң асасий тор бәтлирини улашни ишқа ашурған шуниңдәк уйғур аптоном район вәкиллириниң исимлики, паалийәт уқтуруши, ахбарат алақичисиниң алақилишиш телефун номури қатарлиқлар очуқ елан қилинған икән.

Хәвәрдә йәнә, һазирға қәдәр, уйғур аптоном район вәкилләр өмики, ройетирс агентлиқи, хәлқ гезити қатарлиқ хитайниң ичи ‏- сиртидики 20 нәччә ахбарат вастилириниң зиярәт қилиш илтимасини тапшурувалғанлиқи ашкариланған. Гәрчә, хәвәрдә мәмликәтлик хәлқ қурултийиға қатнишиватқан уйғур аптоном район вәкиллириниң, хитайниң ичи вә сиртидики мухбирларниң зияритини қобул қилиш үчүн қолайлиқ шараит һазирланғанлиқи тәкитләнгән болсиму, әмма чәтәл мәтбуатлириниң бу хил қолай шараиттин пайдилиниши йәнила қийинға тохтимақта.

Истансимиз мухбирлири, уйғур аптоном район вәкиллириниң ахбарат алақичисиниң телефониға һәр қандақ қилипму улишалмиған болуп, телефони улашқан бир қисим вәкилләрму, мухбиримизниң зияритини қобул қилиштин баш тартқан. (Әқидә)‏

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар