Béyjingda xitay xelq qurultiyigha qatnishiwatqan Uyghur wekilliri axbaratchilarning ziyaritini rastinla qobul qilalamdu ?


2008-03-06
Share

Xitayning memliketlik xelq qurultiyigha qatnishiwatqan wekiller ömiki axbarat alaqichisining alaqilishish nomuri, yéqinda memliketlik xelq qurultiyi axbarat merkizi tor ponkitida élan qilin'ghan bolup, xitay axbarat wastilirining bu heqte bergen xewiride éytilishiche, bu Uyghur aptonom rayon wekiller ömiki axbarat xewerlirining junggo hemde chet'el axbarat wastilirigha yenimu échiwétilgenlikidin dérek béridiken.

Xewerde éytilishiche, bu yil memliketlik xelq qurultiyi axbarat merkizi tor ponkitida tunji qétim her qaysi wekiller ömikining asasiy tor betlirini ulashni ishqa ashurghan shuningdek Uyghur aptonom rayon wekillirining isimliki, pa'aliyet uqturushi, axbarat alaqichisining alaqilishish téléfun nomuri qatarliqlar ochuq élan qilin'ghan iken.

Xewerde yene, hazirgha qeder, Uyghur aptonom rayon wekiller ömiki, royétirs agéntliqi, xelq géziti qatarliq xitayning ichi ‏- sirtidiki 20 nechche axbarat wastilirining ziyaret qilish iltimasini tapshuruwalghanliqi ashkarilan'ghan. Gerche, xewerde memliketlik xelq qurultiyigha qatnishiwatqan Uyghur aptonom rayon wekillirining, xitayning ichi we sirtidiki muxbirlarning ziyaritini qobul qilish üchün qolayliq shara'it hazirlan'ghanliqi tekitlen'gen bolsimu, emma chet'el metbu'atlirining bu xil qolay shara'ittin paydilinishi yenila qiyin'gha toxtimaqta.

Istansimiz muxbirliri, Uyghur aptonom rayon wekillirining axbarat alaqichisining téléfonigha her qandaq qilipmu ulishalmighan bolup, téléfoni ulashqan bir qisim wekillermu, muxbirimizning ziyaritini qobul qilishtin bash tartqan. (Eqide)‏

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet