Xitay merkizi bankisi xelq pulining qimmiti özgergenlikini jakarlidi

• 
  2005-07-21

Xitay xelq bankisi peyshenbe küni bayanat élan qilip, xelq pulining qimmiti shu kündin bashlap özgergenlikini jakarlidi. Bu xitay da'irilirining yéqinqi 10 yildin béri tunji qétim xelq pulini qimmetlendürüshi bolup hésablinidu.

Xitay xelq bankisining ashkarilishiche, xelq puli buningdin kéyin noqul amérika dollirini birlik qilishtin, köp xil chet'el périwutigha almashturulidiken. Xelq pulining qimmiti özgertilgendin kéyin, xelq pulining dollar aldidiki qimmiti 2 ٪ östi. Buning bilen bir dollar 8 som 11 tiyin'ge chüshken.

Xitayning xelq pulini tengshesh siyasiti asiyadiki pul - mu'amile bazarlirigha tesir körsetti. Bir dollar shu küni 112.5 Yaponiye yinidin 110.38 Yin'ge töwenligen. Dollarning xongkong baziridiki bahasi 7.78 Xongkong gangbisidin 7.76 Gangbigha chüshken. Xitay hökümiti xelq pulining qimmiti özgertilgenlikini jakarlashtin bir kün ilgiri, amérika fédéral zapas fondi komitétitining re'isi alen grinsipan, "eger xitay xelq pulini qimmetlendürmise, xitay iqtisadi jiddi xeterge duch kélidu," dep agahlandurghan.

Amérika hökümiti xitayning yéngi pul siyasitini qarshi aldi. Emma közetküchiler, xitayning herikitini simwol xaraktérlik qedem, dep qarimaqta. Amérika dölet mejlisining kéngesh palata ezasi charliz shumir, xitayning bu qedimini "yaxshi bashlinish, emma kichik bir qedem," dep tekitligen. (Erkin)