Xitay chet'ellik xerite sizghuchilarning pa'aliyitini kontrol qilishni kücheytti

Xitay da'iriliri bu yilning bashlirida Uyghur aptonom rayonining xoten wilayitide xerite sizish pa'aliyiti bilen shughullan'ghan 2 neper yaponiyilik mutexessisni, dölet bixeterlikige tehdit peyda qilghan, dep chégridin qoghlap chiqarghandin kéyin, chet'ellik ilmiy xadimlar we teshkilatlarning rayonda xerite sizish, ilmiy tetqiqat we ékspéditsiyilik tekshürüsh pa'aliyiti élip bérish üchün choqum hökümet da'iriliridin ruxset élishini telep qildi.

Höjette, chet'elliklerning tekshürüsh we xerite sizash pa'aliyiti xitayning dölet bixeterlikige tehdit peyda qiliwatqanliqini tekitligen. Xitay hökümiti bu yilning bashliri xotende 2 yaponiyilik mutexessisni mezkur rayondiki su insha'at esliheliri we aydurumning xeritisini sizip, dölet bixeterlikige tehdit peyda qildi, digen sewebler bilen chigridin qoghlap chiqarghan we 10 ming dollar jerime qoyghan idi.

Analizchilar, xitay da'irilirining bu herikitini soghuq munasiwetler dewridiki tepekkür qilish üsüli, dep eyiplimekte. Xitay istiratigiye tetqiqat ornining mutexessisi lyu shawjüyning qarishiche, " xitayning jughrapiyilik orunlushishi hazirqi zaman sün'i hemra téxnikisida hergiz mexpiyetlik emes. " U, " yaponiyilikler shinjangda lahiyilesh élip barghan bolsa, bu jonggoning herbiy we dölet mudapi'e bixeterlikige tesir yetküzmeydu, " deydu. (Erkin)