Җәнубий хитайда аптобус вәқәсидә 26 адәм қаза қилди


2007-04-23
Share

Җәнубий хитайдики чуңчиң шәһиридә йүз бәргән аптобус вәқәсидә 26 адәм өлгән. Хитай мәтбуатлириниң мәлуматиға қариғанда, аптобус йол буйидики решаткиға соқулуп 30 митер егизликтики өтүшмә көрүктин чүшүп кәткән.

Бирләшмә агентлиқиниң 23-април бәргән хәвридә хитай мәтбуатлири бәргән учурлардин нәқил кәлтүрүшичә, хитай сақчилири аптобусқа нормидин көп адәм бесилғанлиқини вә аптобус тиз йүргәнликтин йол тейилғақ болғачқа контроллуқини йоқитип мәзкур вәқәниң келип чиқишиға сәвәбчи болғанлиқини билдүргән. Мәлум болушичә, 25 адәм сиғидиған аптобусқа 32 адәм селинған икән.

Шинхуа ахбарат агентлиқиниң билдүрүшичә, һаят қалған 5 адәмниң әһвали интайин начар болуп һаяти хәвп астида икән.

Хитайниң йоллири дуня буйичә әң хәтәрлик болуп, бихәстә вә тәлвә шопурлар вә начар йол шараити түпәйли һәр йили миңлиған адәмләр хитай йоллирида һаятидин айрилидикән. Өткән йили өктәбирдиму, хитайниң чуңчиң шәһиридә бир аптобус көрүктин чүшүп кетип 30 адәмниң өлүшини вә 20 адәмниң ярилинишини кәлтүрүп чиқарған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт