Jenubiy xitayda aptobus weqeside 26 adem qaza qildi


2007-04-23
Share

Jenubiy xitaydiki chungching shehiride yüz bergen aptobus weqeside 26 adem ölgen. Xitay metbu'atlirining melumatigha qarighanda, aptobus yol buyidiki réshatkigha soqulup 30 mitér égizliktiki ötüshme körüktin chüshüp ketken.

Birleshme agéntliqining 23-april bergen xewride xitay metbu'atliri bergen uchurlardin neqil keltürüshiche, xitay saqchiliri aptobusqa normidin köp adem bésilghanliqini we aptobus tiz yürgenliktin yol téyilghaq bolghachqa kontrolluqini yoqitip mezkur weqening kélip chiqishigha sewebchi bolghanliqini bildürgen. Melum bolushiche, 25 adem sighidighan aptobusqa 32 adem sélin'ghan iken.

Shinxu'a axbarat agéntliqining bildürüshiche, hayat qalghan 5 ademning ehwali intayin nachar bolup hayati xewp astida iken.

Xitayning yolliri dunya buyiche eng xeterlik bolup, bixeste we telwe shopurlar we nachar yol shara'iti tüpeyli her yili minglighan ademler xitay yollirida hayatidin ayrilidiken. Ötken yili öktebirdimu, xitayning chungching shehiride bir aptobus körüktin chüshüp kétip 30 ademning ölüshini we 20 ademning yarilinishini keltürüp chiqarghan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet