Хитайда һәр йили 100 миңдин артуқ ишчи иш үстидә қаза қилмақта
2008.01.22
Әнгилийә б б с радио - телевизийә ториниң сәйшәнбә хәвәр тарқитишичә, хитайда йүз бәргән һадисиләрдә иш үстидә қаза қилидиған ишчилар йүз миңдин ашидиған болуп , бихәтәрлик тәдбирлириниң елинмаслиқи ишчиларниң һаятиға замин болуватқан асаслиқ амил икән. Йәни хитайда шәхсләр игидарчилиқидики ширкәтләрниң пәқәтла иқтисади мәнпәәтини көзләп бихәтәрлик амиллириға сәл қариши омумйүзлүк һаләт болуп , ширкәтләрниң башқуруш қатлимидики чириклик түпәйли бихәтәр ишләпчиқиришқа даир қанун вә бәлгилимиләр күчкә игә қилинмиған.
Хәвәрдә көрситилишичә , йеқинда дуня мәтбуатида бейҗиң олимпик мусабиқиси өткүзүлидиған нуқтилиқ тәнһәрикәт сарайлиридин " қуш увиси" қурулуши җәрянидиму 10 ишчи қаза қилғанлиқи хәвәр қилинған болсиму , әмма бейҗиң даирилири бу адәм өлүш вәқәсини етрап қилмиған .
Хитай бихәтәр ишләпчиқиришни назарәт қилиш идариси башлиқи ли бу һәқтә ахбарат саһәсигә " олимпик қурулуши җәрянида адәм өлгәнликидин хәвирим йоқ , әгәр бу җәһәттә мәсилә көрүлсә мунасивәтлик даириләр җиддий тәкшүрүп , қанун буйичә бир тәрәп қилиду " дәп билдүргән.
Ли йәнә , хитайда бихәтәр ишләпчиқириш җәһәттә һәқиқәтән һадисә көп көрилидиғанлиқини етирап қилип , һәр йили хитайда амминиң инкас қилиши билән бихәтәр ишләпчиқиришқа даир нурғун мәсилиләр ашкарилиниду, болупму кан вәқәлириниң пәвқуладдә көплүки җәһәттә җуңго дуня буйичә алдинқи орунда туриду " дегән .
Мунасивәтлик мақалилар
- Бейҗиң даирлири олимпик қурулуш мәйданида адәм өлүш һадисисиниң йүз бәргәнликини рәт қилди
- Хитайда кишилик һоқуқ вәзийитини күнсери начарлашмақта
- Йеқиндин буян хитайниң кишилик һоқуқ хатириси, адәттин ташқири диққәткә сазавәр болмақта
- Хәлқара сақчи: террорчилар бейҗиң олимпик йиғиниға һуҗум қилишни пиланлиған болуши мумкин
- Хитайниң олимпик һарписидиму кишилик һоқуқни давамлиқ дәпсәндә қиливатқанлиқи ашкариланмақта
- Хәлқара мухбирлар тәшкилати олимпик комитетини хитай мәсилисидә әйиблиди
- Хәлқара олимпик комитети әмәлдарлири хитай кишилик һоқуқ баянати һәққидә муназириләшмәктә