Xitayning besh yilliq istratégiyilik uran zapisi pilani
2007.04.18
Xitay özining atom quwiti sana'itini kéngeytish éhtiyajigha maslishish üchün besh yilliq istratégiyilik uran zapisi pilani tüzüp chiqqan. Birleshme agéntliqining xewer qilishiche, xitay dölet mudapi'e pen-téxnika komitétining on birinchi besh yilliq atom sana'iti pilani' dep atalghan pilanida, xitayning onlighan atom énérgiyisi zawutliri ewlat yéngilaydighanliqi, 2006 - yilidiki 6 milyon kilowatliq sewiyini 2020 - yilighiche 40 milyon kilowatliq sewiyige yetküzidighanliqi, uning ishenchlik sewiyisini hazirqi 1% tin 4 % gha yetküzidighanliqi otturigha qoyulghan.
Xitayning istratégiyilik uran zapisi pilani, 'shinxu'a agéntliqi' ashkarilap qoyushiche, özining we sirttin import qilidighan uran mehsulatlirini nechche hessilep köpeytish arqiliq ishqa ashurulidiken. Xitay hökümiti buyil 1- ayda awstraliye bilen uran import qilish kélishimi tüzgende, özining uran zapisi pütün dunyadiki uran zapisining 40% ni teshkil qilishi lazimliqini ipadiligen idi. (Weli)