Хитай әмәлдарлириниң чириклик зиян соммиси , хитайниң омуми маарип хираҗитидин ешип кәткән


2007.10.11

Б б с ториниң хәвәр қилишичә, хитайда ,хитай әмәлдарлириниң чириклик билән салған йиллиқ омуми зиян соммиси , дөләтниң йиллиқ маарип хираҗитидин ешип кәткән болуп ; чириклик нөвәттә хитайниң сиясий муқимлиқиға қарита еғир тәһдитләрниң биригә айланған.

Бу һәқтә мәхсус тәкшүрүш елип барған, америкиниң к н җ хәлқара тенчлиқ фонди җәмийити, хитай әмәлдарлириниң парихорлуқ вә хиянәтчиликидин келип чиққан зиян соммиси хитайниң йиллиқ омуми чиқиминиң %10 ни игиләйдиғанлиқини ашкарилиған. Мәзкур җәмийәт елан қилған тәкшүрүш доклатида, 2003 ‏- йили хитайда , хитай әмәлдарлири парихорлуқ вә хиянәтчилик билән дөләткә салған зиянниң 86 милярд долларға йәткәнликини, бу чиқимниң хитайниң шу йилқи йиллиқ омуми ишләпчиқириш соммисиниң %3 ни тәшкил қилидиғанлиқини вә бу чиқимниң йәнә , хитайниң 2006‏ ‏-йиллиқ омуми маарип хираҗитидин үстүн икәнликини оттуриға қойған.

Доклатта йәнә мундақ дейилгән : хитайда чириклик еғир болсиму, иқтисад йәнила тәрәққи қиливатиду, чәтәлликләрниң мәбләғ селиш қизғинлиқи йәнила үстүн; әмма бу дегәнлик хитайниң сиясий түзүлмиси, чирикликтин ибарәт бу йүкни йәнә давамлиқ йүдүп маңалайду дегән мәнани бәрмәйду. Хитайдики чирикликниң мәнбәси дәп , һөкүмәтниң иқтисадий паалийәтләргә зиядә қол тиқивелиши, қанун иҗра қилиштики аҗизлиқ вә хитай коммунист партийисидә сиясий ислаһат арзусиниң суслуқи қатарлиқ сәвәбләрни көрсәткән доклатта , хитай һөкүмити чирикликкә хатимә беришниң йиганә чариси сиясий ислаһат икәнликини ениқ билиду, әмма һоқуқни қолдин берип қоюш әндишиси билән сиясий ислаһаттин өзини қачуруватиду дәп хуласә чиқарған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.