Уйғур илидин бейҗиңға әрз сунушқа барған хитай әрздарларниң сани көпәймәктә


2007-11-22
Share

Йеқиндин буян уйғур илидин бейҗиңға әрз қилиш үчүн йетип барған хитай әрздарлар сани көпәймәктә.

Истансимиз игилигән мәлуматларға қариғанда, уйғур илидики шихәнзә чүән хәй ширкитиниң хадимлиридин 11 киши вә уйғур елиниң нефит саһәси хадимлириниң вәкили болуп, 15 кә йеқин әрздар өз давасиниң, хитай мәркизи һөкүмити тәрипидин ақиланә бир тәрәп қилинишини күтмәктә.

Әрздарлар ичидики фең юңҗиниң ери диң шиңмиң 2001 ‏- йили һөкүм елан қилинип түрмигә соланған, 2006 ‏- йили сот мәһкимиси уни гунаһсиз дәп җакарлиған. Мәзкүр дило сәвәбидин диң шиңмиңниң атиси аччиқ ютуп өлгән. 7 Йилдин буян һөкүмәткә әрз қилип кәлгән фиң юңҗи, уйғур илидики йәрлик һөкүмәт тәрипидин җәмийәт тәртипини қалаймиқанлаштурған дәп 9 қетим қамап қоюлған, сот тармақлири йәнә диң шиңмиңниң намидики аптомобилни бикар қилғандин сирт, униң аяли фең юңҗиниң намида ишләпчиқириш елип бериватқан ашлиқ пишшиқлап ишләш завутини тақивәткән. Диң шиңмиңгә тәвә бина сот тәрипидин сетивитилгән. Нәтиҗидә диң шиңмиң роһи җәһәттин бузулуп, роһий кесәлликләр дохтурханисида кирип қалған.

Мәзкүр дилониң диң шиңмиң аилисигә иқтисадий вә роһий җәһәттин еғир зиян елип кәлгәнлики ениқ болсиму, әмма уйғур или даирилири зиянни төләшни шуниңдәк хата һөкүм чиқарған сот хадимлирини җазалашни рәт қилип кәлмәктә. (Әқидә‏)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт