Shangxeydiki öktichiler chet'el muxbirlirining ziyaritini qobul qilmasliq tehditige uchridi

Xongkongdiki junggo kishilik hoquq we démokratiye uchur merkizi, shangxey da'irilirining öktichiler, falun'gung ezaliri we bashqa tenqidchilerge qarita alahide chare qollan'ghanliqini pash qildi.
Muxbirimiz eqide xewiri
2008-06-26
Share

 En'giliye b b s radi'o téléwiziye - shirkiti, junggo kishilik hoquq we démokratiye uchur merkizining sözini neqil keltürüp, shangxey jama'et xewpsizlik idarisining, öktichiler, erzdarlar we yer asti diniy teshkilat ezalirigha uqturush chiqirip, ularning her heptide bir qétim ish - pa'aliyetliri heqqide saqchilargha doklat sunushni telep qilghanliqini bildürgen.

Xewerlerge qarighanda, saqchilar teripidin chiqirilghan uqturush, 1 ‏ - april künidin 31 ‏ - öktebir künigiche inawetlik bolup, olimpik murasimi mezgilidiki bixeterlik üchün yolgha qoyulghan mezkür tüzümge xilapliq qilghuchilar, qilmishining éghir - yiniklikige qarap agahlandurush, qolgha élish shuningdek qanun buyiche jawabkarliqqa tartilish jazalirigha uchraydiken.

Xitay hökümiti, olimpik mezgilide eger chet'el muxbirliri idare, shexs we teshkilatlarning ziyaritini qobul qilish maqulluqini aldin qolgha keltürelisila, ulargha téximu köp erkinlik bérilidighanliqigha wede bergen idi.

Biraq, xitaydiki chet'ellik muxbirlar kulubi 4 ‏ - ayda, olimpik mesh'ili tibetke yétip kelgende, muxbirlarning erkinlikining qattiq kontrol qilin'ghanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet