Dunya Uyghur qurultéyi xitay hökümitini kishilik hoquq mesiliside dunyagha bergen wedisini emelge ashurushqa chaqirdi


2007.08.08
Share on WhatsApp
Share on WhatsApp

Bügün 8 ‏- ayning 8 ‏- küni, dunya Uyghur qurultéyi radi'omiz arqiliq bayanat élan qilip, xitay hökümitini kishilik hoquq mesiliside dunyagha bergen wedisini emelge ashurushqa chaqirdi.

Dunya Uyghur qurultéyining bayanatchisi dilshat rishitning éytishiche, Uyghurlarning kishilik hoquq ehwali barghanséri nacharlashmaqta. Uyghurlarning hazir uchur wastiliridin paydilinish erkinliki yoq. Xitay hökümiti chet'el muxbirliri bilen körüshken Uyghurlarni 'dölet mexpiyetlikini ashkarilighan' dégen bednam bilen jazalap kéliwatidu.

Dunya Uyghur qurultéyi bügün élan qilghan bayanatta yene, xitay hökümiti rabiye qadirning balilirini öz ichige alghan barliq siyasiy, diniy mehbuslarni qoyup bérishi kéreklikini؛ chet'el muxbirlirining Uyghurlar arisida erkin ziyaret qilishigha kapaletlik qilishi kéreklikini tekitlidi. Shundaqla dunya Uyghur qurultéyi yene olimpik komitétidin, eger xitay kommunist hökümiti kishilik hoquq depsendichilikini toxtatmisa, 2008 ‏- yilida béyjingda ötküzilidighan musabiqini emeldin qaldurushni telep qildi. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.