Хитай билән пакистан әркин сода келишими имзалиди


2006-11-24
Share

Хитай дөләт рәиси ху җинтав җүмә күни пакистан билән әркин сода келишими имзалап, хитайниң кона иттипақдиши пакистан билән мунасивитини йеңи пәллигә көтүрүшкә мақул болди.

Пакистан сәпирини пәйшәнбә күни башлиған ху җинтав, йеқинқи 10 йилдин бери бу дөләтни зиярәт қилған тунҗи хитай дөләт рәисидур. Икки дөләт шу күни әркин сода келишимини өз ичигә алған 18 түрлүк келишим имзалиди. Тәрәпләр хитай - пакистан сода мунасивитини кәлгүси 5 йил ичидә 15милярд долларға йәткүзүшни үмид қилмақта.

Ройтерс ахбарат агентлиқи икки тәрәпниң ядро електир истансиси қуруш келишими имзалиғанлиқини көрситидиған гуманлар бар, дәп хәвәр бәрди. Ху җинтав пакистан президенти мушәррәп билән өткүзгән мухбирларни күтүвелиш йиғинида "җоңго - пакистан билән болған мунасивитини давамлиқ түрдә истратегийилик вә узун - муддәтлик мунасивәт нуқтисидин қарайду, дәп тәкитлигән.

Күзәткүчиләр, хитайниң бир қанчә он йиллардин бери пакистан башқурулидиған бомба вә ядро қораллар программисини қоллап келиватқанлиқини илгири сүрмәктә. Шуниң билән биргә хитай исламабадниң бу дөләттики шәрқий түркистан тәшкилатлирини яки паалийитини бастуруп келиватқанлиқидин наһайити мәмнун.

Пакистан һөкүмити хәлқара кишилик һоқуқ тәшкилатлири вә б д т мусапирлар идарисиниң наразилиқиға қаримай бу дөләттики уйғур сияси мусапирлирини хитайға тутуп бәрмәктә. Пакистан һөкүмити буниңдин 2 - 3 йил илгири хитайға өткүзүп бәргән уйғур мусапири мәмәт тохтини хитай даирилири муддәтсиз қамақ җазасиға һөкүм қилди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт