Bir guruppa xitay ziyaliyliri dölet kabintigha xet yézip " emgek bilen özgertish" qanunini bikar qilishni telep qildi


2007.12.04
Share on WhatsApp
Share on WhatsApp

Fransiye axbarat agéntliqining 4 - dékabir xewer élan qilishiche, yéqindin buyan xitayda "qanunni teshwiq qilish küni"dep békitilgen 4 - dékabir yétip kélishtin ilgirila xitay xelq géziti we bashqa dölet igidarchiliqidiki teshwiqat, axbarat sahesi hedep " qanun bilen idare qilish rohini jari qildurup, qanun bilen dölet bashqurushni ilgiri süreyli" dégen serlewhe astida her türlük teshwiqat herikitini élip bériwatqan bir peytte, 43 neper xitay akadémik alimlar, aliy mekteplerdiki qanunshunaslar hemde adwokatlardin terkip tapqan xitay ziyaliyliri, xitay dölet kabinti qanun- tüzüm ishxanisigha, xitayda yürgüzülüwatqan "emgek bilen özgertish" tüzümini bikar qilish toghruluq ochuq xet yazghan.

Mezkur ochuq xet, xitay döletlik ijtima'iy penler akadémiyisining akadémiki, qanun we iqtisadshunas maw yüshining yétekchilikide teyyarlan'ghan bolup, xette xitayda yürgüzülüwatqan emgek bilen özgertish tüzümining asasiy qanun'gha xilap bolghandin bashqa, xitay qol qoyghan xelq'ara kélishimlergimu xilap ikenliki körsitilip, " emgek bilen qayta terbiyilesh alahide zaman we makan shara'itida meydan'gha kelgen tarixiy hasilat bolup, eger u dölet qurushning deslepki mezgilide jem'iyetning muqimliqini saqlashta ötkünchi xaraktérlik rol oynighan bolsa, undaqta "qanun bilen dölet bashqurush," döletning kishilik hoquqni hörmetlesh we uninggha kapaletlik qilishi" asasiy qanun'gha kirgüzülgen bügünki künde, yérim esirdin uzaq sozulghan emgek bilen qayta terbiyilesh tüzümi barghanche dewer éqimigha qarshi nersige aylinip qalghan bolup, döletni qanun bilen bashqurush qedimige éghir tosqunluq qilmaqta," dep körsitilgen.

Nöwette xitay ziyaliylirining xitay dölet kabintigha yollighan emgek bilen özgertish qanunini bikar qilish heqqidiki ochuq xéti, xitayning dölet ichi we sirtidiki tor betliride küchlük munazire qozghidi. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.