Teywen bashqurulidighan bombilirining uchush musapisini ashurdi


2007-04-23
Share

Teywen bashqurulidighan bombilirining zerbe bérish musapisini ashurghan bolup, hazir xitayning herbiy ayrodromlirigha we bashqurulidighan bomba bazilirigha zerbe bérish iqtidarigha ige bolghan.

Fransiye agéntliqining 23 ‏- april bergen xewiride, teywendin chiqidighan xitay waqit géziti bergen melumatlardin neqil keltürüshiche, shyung-féng ( dehshetlik- boran) 2E tipliq bashqurulidighan bombining zerbe bérish musapisi 600 kilométirgha ashurulghan. Emma, jungshen pen-téxnika institutidiki tetqiqatchilarning éytqanlirigha qarighanda, bir nechche qétimliq sinaq jeryanida mezkur bombining zerbe bérish musapisi 800 klomitérgha yetken iken.

Xewerde qeyt qilinishiche yene, eger xitay bilen teywen arisida urush partlisa, mezkur bombilar xitayning jenubiy xitaygha jaylashqan herbiy ayrodromliri we bashqurulidighan bomba bazilirigha zerbe bérish üchün ishlitilidiken. Xitay yéqinda eger teywen musteqilliq ilan qilip qalsa teywen'ge bésip kirimiz dep tehdit salghan idi. Lékin, teywen mudapi'e ministiri yuqiriqi xewerler üstide pikir bayan qilishni ret qilghan.

Shu jay waqti düshenbe küni, teywen prézidénti chén shuybyen, teywen birleshken döletler teshkilati, dunya sehiye teshkilati we bashqa xelq'araliq teshkilatlargha öz ismi bilen qatnishish ishlirini ilgiri süridighanliqi toghrisida iradisini bildürgen. U mundaq dégen: "teywendiki 23 milyon xelq hergizmu birleshken döletler teshkilatining sirtida qaldurulmasliqi, shundaqla xitayning herbiy tehditige tenha taqabil turmasliqi kérek. Bu teywen üchün bir adaletsizlik".

Chén shuybyenning bu sözliri amérikining eyiblishige uchrighan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet