Xitaydiki térilghu yerler zor derijide bulghandi

2007-04-24
Élxet
Pikir
Share
Print

Hazir xitaydiki térilghu yerlerning bulghinish ehwali intayin éghir bolup, bulghinish derijisi yildin ‏- yilgha izchil halda örlep mangghan. Xitay hökümet da'irilirining bu heqte bergen melumatida éytilishiche, hazir xitaydiki bulghan'ghan térilghu yerler texminen 150 milyon mogha yetken bolup, bu xitaydiki omumiy térilghu yerning 10 din bir qismini igiligen.

Xewerde körsitilishiche, bulghan'ghan térilghu yerlerning xitay iqtisadigha élip kelgen ziyini intayin zor bolghan. Perezlerge qarighanda, xitayda her yili éghir mital tüpeyli bulghan'ghan ashliqning özi 12 milyon tonna bolup, buningdin kélip chiqqan iqtisadiy ziyan 20 milyard yüendin ashqan.

Buningdin bashqa yene ,yéza igilik mehsulatlirida bulghan'ghan tupraq tüpeylidin kélip chiqqan zeherlik maddilar mewjut bolghanliqtin, uni istimal qiliwatqan kishiler arisida, türlük késellikler peyda bolup, xelqning ten- salametlikige zor ziyan élip kelgen.

En'giliye b b s radi'o ‏- téléwiziye shirkitining xewerler tor bétide bérilgen melumatta éytilishiche, 90 ‏- yillardin tartip ta hazirghiche,xitay texminen 15 milyon géktardin artuq térilghu yéridin ayrilghan. Bundaq bolushtiki seweb:xitaydiki térilghu yerlerning köp qismi asasiy qurulush we sheherleshtürüsh ishlirigha ishlitilgenliktin iken.

Radi'omizning heqsiz léniyisige kéliwatqan téléfonlardin melum bolushiche, hazir Uyghur élidiki térilghu yerlermu yildin -yilgha azayghan we bulghan'ghan. Yéqinda,radi'omizning ziyaritini qobul qilghan qeshqer rayonining melum bir yézisidiki Uyghur déhqanning melum qilishiche, hazir mezkur jayda, köchmen xitaylarning köpiyishi tüpeylidin, Uyghur déhqanliri arisida, öz térilghu yerliridin ayrilip qéliwatqan Uyghur déhqanliri barghanséri köpeygen. (Mihriban)

Pikirler (0)
Share
Toluq bet