Yünnende xitay saqchiliri bilen yéza ahalisi otturisida toqunush yüz berdi

Xongkongda chiqidighan "mingbaw " gézitining xewer qilishiche, yekshenbe küni, xitayning yünnen ölkisining malipo nahiyisidiki bir yéza ahalisi bilen saqchilar otturisida yüz bergen toqunushta, ikki kishi saqchilar teripidin étip öltürülgen we 20 din artuq adem yarilan'ghan.
Muxbirimiz ömer qanat xewiri
2008-04-22
Share

 Xewerde éytilishiche, awghust éyida ichilidighan, béyjing olimpik tenheriket yighini harpisida, xitayda birer weqe chiqip qilishidin qattiq ensirewatqan béyjing hökümiti, zijin altun kan shirkiti teripidin musadire qilin'ghan yerliri üchün bérilgen tölem pulni qobul qilmighan yéza ahalisining naraziliq herikitini tézdin basturushqa urun'ghan.

Shinxu'a agéntliqining xewer qilishiche, malipo nahiyiside pichaq, kaltek qatarliq qorallar bilen qorallan'ghan 70 etrapida yéza xelqi zijin altun kan shirkiti ishchiliri bilen yéza ahalisi ottursidiki jédelni toxtitish üchün rayon'gha ewetilgen saqchilargha hujum qilip, besh saqchini yaridarlandurghan.

Xewerde éytilishiche, saqchilar bilen yéza ahalisi otturisida yüz bergen toqunushlarda bir kishi saqchilar teripidin éytip öltürülgen we 10 kishi yarilan'ghan. Xitay kishilik hoquq teshkilatlirining bildürüshiche, saqchilarning oq chiqirishi netijiside yarilan'ghan 5 kishining ehwali éghir iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet