Xitayda naraziliq heriketliri arqiliq heq teleplerni hel qilish nahayiti az uchraydighan ehwal


2008.01.03

Xitayda naraziliq heriketlirining qozghilishi adettiki bir ehwalgha aylanmaqta.

Shénjin shehiridiki yüenshéng xelq'ara guruhining 170 neper xizmetchisi, shirketning 1 ‏- yanwar künidin bashlap yolgha qoyghan emgek toxtamidin narazi bolup, mezkür shirket bilen maqullighan toxtamlirini muddettin burun buzup tashlidi.

Xitay chong quruqluqidiki 4 ‏- iyul tor bétining peyshenbe küni bergen xewiridin ashkarilinishiche, peyshenbe küni etigen 8 etrapida, yüenshéng shirkitining 170 din artuq ishchi - xizmetchisi shirket derwazisigha topliship, shirkettin artuq ishligen emgek heqqini we yilliq ma'ashini qoshup bérishni telep qilghan.

Xewerlerge qarighanda, yüenshéng shirkiti, ishchi - xizmetchilerge bérishke tégishlik 30 milyon yüenni waqtida bermey keynige sürgenliki seweblik, mezkür naraziliq herikiti qozghalghan bolup, shirket derwazisi tosiwélin'ghachqa, yene minglighan ishchi ish bashlashqa amalsiz qalghan.

Bu arida shirketning nöwetchi xadimi istansimizgha télégramma yollap, shirketning ishni eslige keltürüsh meqsitide ishchilargha bérishke tégishlik emgek heqqini tarqitip bergenlikini bildürdi.

Xitayda ishchilarning naraziliq heriketlirining ijabiy netijilinishi nahayiti kam uchraydighan bir ehwal bolup, ishchilarning yolluq teleplirini orundimighanda shirketke éghir ziyan kélidighanliqini perez qilghan shirket emeldarliri, bérishke tégishlik emgek heqqini tarqitish arqiliq téximu chong naraziliqlarning meydan'gha kélishini tosighan, biraq nöwette ishchilar yilliq toluqlima ma'ashni élish üchün dawamliq ish tashlaydighanliqini bildürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.