Xitay medeniyet ministiri medeniy yadikarliqlarni qoghdashta mesile barliqini étirap qildi


2006-12-22
Share

Xitay medeniyet ministiri sün jyajing, xitayning medeniy miraslarni qoghdash xizmitide " dunyawiy medeniyet mirasi, dep iltimas sunushqa ehmiyet bérish, lékin bashqurushta ajiz bolush, échishqa ehmiyet bérish, lékin qoghdashqa sel qarashtek " xa'ishlar mewjütliqini shundaqla " qurulush xaraktérlik buzghunchiliq qilish" we " waqtinche échish" ehwalining éghirliqini bildürdi.

Xitay metbu'atlirining jüme küni eskertishiche, sün jyajing bezi jaylarni medeniy yadikarliqlarni dunyawiy medeniyet mirasi, dep qoghdashni iltimas qilishta nahayiti aktip bolsimu, lékin medeniy yadikarliqlarni qoghdashqa kéreklik bashqurush, pilanlash, qutquzush, rimont qilish we bixeterlik xizmiti qatarliq ishlar bilen chatighi yoq, dep eyibligen.

Uyghur aptonom rayoni qedimiy medeniy yadikarliqlar eng éghir derijide xaniweyran bolush girdabigha bérip qalghan jaylarning biri. Hetta bezi jaylarda medeniy yadikarliqlarni qoghdighuchi xadimlar etkeschiler bilen birliship Uyghur medeniyiti we tarixigha da'ir medeniy yadikarliqlarni oghrilash weqeliri yüz bergen idi.

Mutexessisler ilgiri rayondiki qedimqi izlar we medeniy yadikarliqlarni sayahetke échiwitishke qarshi turghan. Ular , rayondiki qedimiy izlar we medeniy yadikarliqlar sayahetchilerge échiwitilgendin kéyin, Uyghur medeniy yadikarliqi éghir weyranchiliqqa uchrighanliqini bildürmekte. Sün jyajing, bezi medeniy yadikarliqlar sayahetke échiwitilgenliktin pütünley weyran bolush xewpige bérip yetkenlikini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet