Yaponiye herbiy paraxoti ikkinchi dunya urushidin kéyin tunji qétim xitaygha qedem basti

Yaponiye herbiy paraxoti, bügün yeni seyshenbe küni xitayning gu'angdung ölkisidiki janjyang portigha qedem basti. Paraxotta bu qétim élip kélin'gini qoral - yaraq emes belki yardem esliheliri. Shundaqtimu, bu paraxot yenila bir türküm xitay puqralirining naraziliqigha uchraydighanliqi perez qilinmaqta.
Muxbirimiz shöhret hoshur xewiri
2008-06-24
Share

 Paraxot, sichüende yer tewresh apitige uchrighanlargha yardem bérish meqsitide seper qilghan. Paraxotta ediyal, bérizint, dora - dermek qatarliq yardem esliheliri toshulghan.

Bu yaponiye herbiy paraxotining ikkinchi dunya urushidin kéyin, tunji qétim xitay térritoriyisige qedem bésishidur. Tarixiy weqeler seweblik yaponiye herbiy para'oxotining xitay térritoriyisige qedem bésishi xitay jem'iyiti üchün sezgür bir mesilidur. Aldinqi ayda yaponiye herbiy paraxotining xitaygha yardemge kélidighanliq xewiri xitay intérnét sehipiliride naraziliq peyda qilghan idi. Shunga bu naraziliqning aldimizdiki künlerde téximu roshen ashkarilinishi texmin qilinmaqta.

Bügün yeni seyshenbe xitay tashqi bayanatchisi lyu jyenchaw bu heqte pikir bayan qilip, yaponiye herby paraxotining xitaygha kélishini ikki döletning dölet mudapi'e ishliridiki hemkarliqini ilgiri süridu dep chüshendürgen. Hem özining xitay xelqi buninggha qara'ita narazi bolmaydu dep qaraydighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet