خىتايدا يەر تەۋرەشتە يېتىم بولۇپ قالغان 80 نەچچە بالىنى بېقىۋالىدىغان ئادەم چىقمىدى

بۇ يىل مايدا خىتاينىڭ سىچۈەن ئۆلكىسىدە يۈز بەرگەن يەر تەۋرەشتە 88 بالا ئاتا - ئانىسىدىن ئايرىلىپ يېتىم بولۇپ قالغان بولۇپ، روېيتېرس ئاگېنتلىقىدا كۆرسىتىلىشىچە، گەرچە يەر تەۋرەش ئاپىتى يۈز بېرىپ ئارىدىن 4 ئايدەك ۋاقت ئۆتكىنىگە قارىماي، بۇ 88 نەپەر بالىنىڭ پەقەت ئىككىسىلا باشقىلار تەرىپىدىن بېقىۋېلىنغان بولسىمۇ، ئەمما قالغان 86 نەپەر ئۆسمۈرنى بېقىۋالىدىغان ئادەم چىقمىغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ ﺧﻪﯞﯨﺮﻯ
2008.09.08

 خەۋەردە خىتاي ئاخباراتلىرىدىن نەقىل ئېلىپ كۆرسىتىشتە، بۇ يېتىملەرنى بېقىۋالىدىغان ئادەم چىقماسلىقىدىكى ئاساسلىق سەۋەب بولسا بۇلارنىڭ كۆپىنچىسى يەر تەۋرەشتە مېيىپ بولۇپ قالغانلىقىدا ئىكەن.
 
بۇ يىل 12 - ماي خىتاينىڭ سىچۈەن ئۆلكىسى ۋە بەزى قوشنا رايونلىرىدا يۈز بەرگەن يەر تەۋرەشتە 90 مىڭ يېقىن ئادەم ئۆلگەن ۋە يۈزلىگەن بالا ئاتا - ئانىسىدىن ئايرىلغان بولۇپ، مەلۇم بولۇشىچە، بۇلارنىڭ ئىچىدىكى 532 نەپەر بالىنى ئۇرۇق - تۇغقانلىرى ۋە ياكى بوۋا - مومىلىرى ئېلىپ كېتىشكەن.

بۇ نۆۋەت بېقىۋېلىنغان بالىلارنىڭ ھەر ئىككىلىسى 10 ۋە 13 ياشلىق ئوغۇل بالا.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
خىتاي ۋە تەيۋەن خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.