Xitay qora jay igilirining hoquqini qoghdash qanun layihisi hazirlidi


2005.12.27
Share on WhatsApp
Share on WhatsApp

Puqralarning qora jaylirini mejburi chéqiwétish xitay boyiche zor kölemdiki naraziliq heriketlirini keltürüp chiqarghandin kéyin, xitay da'iriliri qora jay igilirining mal - mülük hoquqini qoghdash qanun layihisi tüzüshke bashlidi.

Shinxu'a axbarat agéntliqining xewer qilishiche, xitay xelq qurultiyining qanun - tuzum komitéti qurultayning da'imi komitétigha memuri mejburlash qanun layihisi sun'ghan. Mezkur qanun layihisi boyiche qora jay igiliri köchüshni ret qilsa, memuri da'iriler öy igilirini köchürüsh üchün sot mehkimilirining ruxsitini élish kérek.

In'glizche chiqidighan " junggo géziti" ning eskertishiche, bu qanun, memuri da'irilerning hoquqini qalaymiqan ishlitishdin saqlinish, puqralarning qanuni hoquqini qoghdashni meqset qilidiken. Mezkur gézit, yerlik da'irilerni "yerlik hokümetler sheher qurulushini bahane qilip, ahalilarning öy makanlirini chéqish ishida nahayiti aktip" dep eyiblidi. Shuning bilen birge u, " bezi hökümet organliri qanuni resmiyetlerge sel qarap, halilerning qanuni hoquqigha dexli - teruz qilmaqta" deydu.

Xitay metbu'atlirining eskertishiche, mezkur qanun boyiche puqralar eger qora jayini chéqishqa razi bolmisa, ularning sot mehkimisige erz qilish we tölem telep qilish hoquqi bolidiken. Sheher qurulushini bahane qilip, puqralirining qora jayini mejburi chéqish xitay boyiche omumyüzlük ehwal bolsimu, emma bu weziyet Uyghur aptonom rayonida yerlik puqralar duch kéliwatqan téximu jiddi mesile idi.

Ötken yili Uyghur aptonom rayonining re'isi isma'il tiliwaldi, yer - mülük tijariti bilen shughullinidighan juntong shirketler guruhining bash mudirini qobul qilip, mezkur shirketke xoten, qeshqer qatarliq jaylarda asanliq yaritip béridighanliqini wede qilghan.

Juntong shirketler guruhi atushning shorux yézisidiki 180 a'ilining qora jayini mejburi sétiwalghan bolup, atush sheherlik hökümet shorux déhqanlirini köchürüsh mesiliside bu shirket bilen hemkarlashqan idi. Shuning bilen birge ghuljida jyangsu yoli qurulushini yasighanda bu rayondiki Uyghur ahalilarmu mejburi köchürülgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.