Хитай коммунистик партийисиниң сабиқ баш сикретари җав зияң өлди


2005.01.17
Share on WhatsApp
Share on WhatsApp

Zhao150.jpg
Җав зияң тйәнәнмин мәйданида ачлиқ елан қилған оқуғучиларға сөзлимәктә. 1989-Йили 19-май AFP/Files

Хитай коммунистик партийисиниң сабиқ баш сикретари җав зияң дүшәнбә күни бейҗиңдики бир дохтурханида өлди. 85 яштики җав зияң 16 йилдин бери өйидә нәзәрбәнд астида яшап кәлгән.

Хитайда иқтисадий ислаһат һәрикитини башлап бәргән җав зияң -1989 йили хитай оқуғучилириниң тйәнәнмин мәйданида елип барған һәрикитини қоллап, бу һәрикәтни бастурушқа қарши чиққанлиқи үчүн вәзиписидин елип ташланған иди.

Гәрчә хитайдики коммунистик һакимийәт җав зияңниң сиясий ислаһат пиланиға қарши чиққан болсиму, лекин униң иқтисадий ислаһат пиланини үзлүксиз давамлаштурди.

Хитай демократлири, хитай һөкүмитидин җав зияңниң дәпнә мурасимиға хәлқниң қатнишишиға йол қоюшини вә униң хизмәтлиригә тоғра баһа беришини тәләп қилди.

Дунядики нурғунлиған дөләтләрниң рәһбәрлири болса, хитай һөкүмитини җав зияң тәрипидин оттуриға қоюлған сиясий ислаһатни әмәлгә ашурушқа чақирди.(Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.