Xitay kommunistik partiyisining sabiq bash sikrétari jaw ziyang öldi


2005.01.17
Share on WhatsApp
Share on WhatsApp

Zhao150.jpg
Jaw ziyang tyen'enmin meydanida achliq élan qilghan oqughuchilargha sözlimekte. 1989-Yili 19-may AFP/Files

Xitay kommunistik partiyisining sabiq bash sikrétari jaw ziyang düshenbe küni béyjingdiki bir doxturxanida öldi. 85 Yashtiki jaw ziyang 16 yildin béri öyide nezerbend astida yashap kelgen.

Xitayda iqtisadiy islahat herikitini bashlap bergen jaw ziyang -1989 yili xitay oqughuchilirining tyen'enmin meydanida élip barghan herikitini qollap, bu heriketni basturushqa qarshi chiqqanliqi üchün wezipisidin élip tashlan'ghan idi.

Gerche xitaydiki kommunistik hakimiyet jaw ziyangning siyasiy islahat pilanigha qarshi chiqqan bolsimu, lékin uning iqtisadiy islahat pilanini üzlüksiz dawamlashturdi.

Xitay démokratliri, xitay hökümitidin jaw ziyangning depne murasimigha xelqning qatnishishigha yol qoyushini we uning xizmetlirige toghra baha bérishini telep qildi.

Dunyadiki nurghunlighan döletlerning rehberliri bolsa, xitay hökümitini jaw ziyang teripidin otturigha qoyulghan siyasiy islahatni emelge ashurushqa chaqirdi.(Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.