Xitayning sana'et ishlepchiqirish miqdari féwralda körünerlik derijide qisqarghan

Muxbirimiz jüme
2020-03-01
Share
xitay-ihtisadi-zeipleshti-202002.png A b s xewerler torida élan qilin'ghan xitayning sana'et ishlepchiqirish miqdarining féwralda körünerlik derijide töwenligenliki heqqidiki xewer. 2020-Yili 28-féwral.
Photo: RFA

A b s xewerler torining shenbe küni bu heqtiki tekshürüsh melumatliridin neqil élip körsitishiche, bu korona wirusi seweblik yürgüzülgen cheklesh tedbirliri bilen munasiwetlik iken.

Xewerde éytilishiche, xitay xam eshya sétiwélish körsetküchining yanwardiki 50 po'inttin féwral éyida 35.7 Po'intqa töwenligenlikini élan qilghan.

Bu körsetküch 100 po'intliq bolup, eger xam eshya sétiwélish nisbiti 50 po'inttin töwenlise bu sana'et ishlepchiqirishining qisqarghanliqini bildüridiken.

Xewerde neqil qilishiche, u heqte toxtalghan ING meblegh sélish bankisining tetqiqatchisi ayris pang xitayning sana'et ishlepchiqirishi toluq eslige kelgen teqdirdimu, mal teminlesh liniyelirining korona wirusi seweblik yenila dexlige uchrighan haletni saqlap qalidighanliqini éytqan.

U yene, normal xizmet éqimining hetta aprélghiche eslige kélip bolalishi natayin ikenlikni bildürgen.

Korona wirusi wuxende tunji bayqalghandin kéyin, xitayning sana'et baziliridin biri hésablinidighan bu sheher 23 yanwardin bashlap karantin astigha élin'ghan idi.

Xitay da'iriliri bezi hökümet igidarchiliqidiki, polat, mis qatarliq éghir sana'et shirketlirining normal ishlepchiqirishni dawamlashturghanliqini éytqan.

Halbuki, wirus cheklimisi seweblik taqalghan yene qanchilik shexsiy shirket we zawutlarning barliqi ularning yene qachan'ghiche taqaq turidighanliqi hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet