Японийә билән австралйәдиму хитайға қарши намайиш өткүзүлди

Ихтиярий мухбиримиз әркин тарим
2020-10-05
Share

1-Өктәбир күни токйода мәтбуат йиғини, 3-өктәбир токйодики хитай әлчиханиси алдида намайиш, 1-өктәбир күни австралйәниң аделайд шәһириниң мәркизидә хитайға қарши паалийәтләр өткүзүлгән.

Дуня уйғур қурултийиниң чақириқи билән 1-2-3 өктәбир күнлири дуняниң һәрқайси җайлиридики уйғурлар көпләп олтурақлашқан шәһәрләрдә хитай хәлқ җумһурийити қурулғанлиқиниң 71 йиллиқи, шундақла уйғур елиниң коммунист хитай тәрипидин бесивелинғанлиқиниң 71 йиллиқи мунасивити билән хитайға қарши кәң-көләмлик намайишлар өткүзүлгән. Җүмлидин 1-өктәбир күни токйода мәтбуат йиғини, 3-өктәбир токйодики хитай әлчиханиси алдида намайиш өткүзүлгән. 1-Өктәбир күни австралийәниң аделайд шәһири мәркизидиму хитайға қарши паалийәт өткүзүлгән.

1-Өктәбир күни токйода өткүзүлгән мәтбуат йиғиниға 10 нәпәр парламент әзаси, уйғур, тибәт, моңғул, өктичи хитайлар, хоңкоңлуқлар вә тәйвәнликләр қурған аммиви тәшкилат мәсуллиридин болуп, 120 дәк киши иштирак қилған. Мәзкур паалийәтни уюштурған японийә уйғур уюшмисиниң рәиси доктор абдукерим абдурахман әпәнди зияритимизни қобул қилип, корона вируси түпәйли чәклимә болғачқа, намайишқа аз киши иштирак қилғанлиқини, бу паалийәттә японийәдики һәр қайси партийәләрдин 10 нәпәр парламент әзасиниң қатнишип, сөз қилғанлиқини тәкитлиди.

Әслидә хитай дөләт рәиси ши җинпиң дөләт зиярити мунасивити билән 2020-йили 4-айда японийәгә келиши керәк икән. Униң зиярити корона вируси түпәйли кечиктүрүлгән икән. Бу қетимқи намайишта намайишчилар «ши җаллат японийәгә кәлмисун» дәпму шоар товлашқан. Намайишқа қатнашқан уйғур зиялийси сәдуллаһ онуйғур әпәнди бу һәқтә мәлумат бәрди.

1-Өктәбир күни австралийәниң аделайд шәһәр мәркизида «хитай хәлқ җумһурийити қурулғанлиқиниң 71-йилида хитайға қарши туруң» темисида паалийәт өткүзүлгән. Мәзкур паалийәтни австралийә тәңритағ уйғур аяллар уюшмуси тәшкиллигән. Австалийәниң аделайд шәһири мәркизидә уюштурулған паалийәттә уйғур ханим-қизлири әтигән саәт 10 дин кәч саәт 5 кичә қолида «австралийә хәлқи, уйғурларни қоллаңлар» дегән хәтләр йезилған йезилған лузункини көтүргән һалда варақчә тарқатқан. Австралийә тәңритағ аяллар уюшмисиниң рәиси рамилә чанешеф ханим бу һәқтә тохталди.

У бу қетимқи паалийәтниң алаһидилики уйғурларни мәҗбурий әмгәккә селип ишләпчиқирилған малларни австралийәгә киргүзмәслик тоғрисида австралийә парламентида қанун мақуллитиш үчүн имза йиғиш болғанлиқини, бир күн ичидә 800 кишиниң имзасини йиғқанлиқини баян қилди.

Австралийә тәңритағ уйғур аяллар уюшмисиниң башқуруш һәйити әзаси әлданә аббас ханим парламент әзаси рех патрик әпәндиниңму уйғурларни қоллаш үчүн паалийәткә иштирак қилғанлиқини баян қилип өтти.

Д у қ рәиси долқун әйса әпәндиниң ейтишичә, бу йил уйғур, тибәт, хоңкоң вә тәйвәнликләр бирликтә 60 қетимдәк хитайға қарши паалийәт елип барған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.