Yaponiye bilen awstralyedimu xitaygha qarshi namayish ötküzüldi

Ixtiyariy muxbirimiz erkin tarim
2020-10-05
Élxet
Pikir
Share
Print

1-Öktebir küni tokyoda metbu'at yighini, 3-öktebir tokyodiki xitay elchixanisi aldida namayish, 1-öktebir küni awstralyening adélayd shehirining merkizide xitaygha qarshi pa'aliyetler ötküzülgen.

Dunya Uyghur qurultiyining chaqiriqi bilen 1-2-3 öktebir künliri dunyaning herqaysi jayliridiki Uyghurlar köplep olturaqlashqan sheherlerde xitay xelq jumhuriyiti qurulghanliqining 71 yilliqi, shundaqla Uyghur élining kommunist xitay teripidin bésiwélin'ghanliqining 71 yilliqi munasiwiti bilen xitaygha qarshi keng-kölemlik namayishlar ötküzülgen. Jümlidin 1-öktebir küni tokyoda metbu'at yighini, 3-öktebir tokyodiki xitay elchixanisi aldida namayish ötküzülgen. 1-Öktebir küni awstraliyening adélayd shehiri merkizidimu xitaygha qarshi pa'aliyet ötküzülgen.

1-Öktebir küni tokyoda ötküzülgen metbu'at yighinigha 10 neper parlamént ezasi, Uyghur, tibet, mongghul, öktichi xitaylar, xongkongluqlar we teywenlikler qurghan ammiwi teshkilat mes'ulliridin bolup, 120 dek kishi ishtirak qilghan. Mezkur pa'aliyetni uyushturghan yaponiye Uyghur uyushmisining re'isi doktor abdukérim abduraxman ependi ziyaritimizni qobul qilip, korona wirusi tüpeyli cheklime bolghachqa, namayishqa az kishi ishtirak qilghanliqini, bu pa'aliyette yaponiyediki her qaysi partiyelerdin 10 neper parlamént ezasining qatniship, söz qilghanliqini tekitlidi.

Eslide xitay dölet re'isi shi jinping dölet ziyariti munasiwiti bilen 2020-yili 4-ayda yaponiyege kélishi kérek iken. Uning ziyariti korona wirusi tüpeyli kéchiktürülgen iken. Bu qétimqi namayishta namayishchilar "Shi jallat yaponiyege kelmisun" depmu sho'ar towlashqan. Namayishqa qatnashqan Uyghur ziyaliysi sedullah onUyghur ependi bu heqte melumat berdi.

1-Öktebir küni awstraliyening adélayd sheher merkizida "Xitay xelq jumhuriyiti qurulghanliqining 71-yilida xitaygha qarshi turung" témisida pa'aliyet ötküzülgen. Mezkur pa'aliyetni awstraliye tengritagh Uyghur ayallar uyushmusi teshkilligen. Awstaliyening adélayd shehiri merkizide uyushturulghan pa'aliyette Uyghur xanim-qizliri etigen sa'et 10 din kech sa'et 5 kiche qolida "Awstraliye xelqi, Uyghurlarni qollanglar" dégen xetler yézilghan yézilghan luzunkini kötürgen halda waraqche tarqatqan. Awstraliye tengritagh ayallar uyushmisining re'isi ramile chanéshéf xanim bu heqte toxtaldi.

U bu qétimqi pa'aliyetning alahidiliki Uyghurlarni mejburiy emgekke sélip ishlepchiqirilghan mallarni awstraliyege kirgüzmeslik toghrisida awstraliye parlaméntida qanun maqullitish üchün imza yighish bolghanliqini, bir kün ichide 800 kishining imzasini yighqanliqini bayan qildi.

Awstraliye tengritagh Uyghur ayallar uyushmisining bashqurush hey'iti ezasi eldane abbas xanim parlamént ezasi réx patrik ependiningmu Uyghurlarni qollash üchün pa'aliyetke ishtirak qilghanliqini bayan qilip ötti.

D u q re'isi dolqun eysa ependining éytishiche, bu yil Uyghur, tibet, xongkong we teywenlikler birlikte 60 qétimdek xitaygha qarshi pa'aliyet élip barghan iken.

Toluq bet