Yaponiyede “Uyghur irqiy qirghinchiliqi” gha qarshi naraziliq pa'aliyetliri ötküzüldi

Ixtiyariy muxbirimiz erkin tarim
2022.08.17
Share on WhatsApp
Share on WhatsApp
Yasukini-aldida-Uyghurlar-paaliyette-1 Yasukini qebrigahi aldidiki pa'aliyet. Yaponiye tokyo, 2022-yil awghust.
RFA/Erkin Tarim

Xitayning Uyghurlargha qaratqan  qirghinchiliq siyasetlirige qarshi naraziliq pa'aliyetliri yaponiyede künsayin kücheymekte. 15-Awghust yaponiye Uyghur jem'iyiti bilen teywen tetqiqat munbiri birlikte tokyoda arqa-arqidin ikki chong pa'aliyet ötküzüp, xitayning Uyghurlargha yürgüzüwatqan irqiy qirghinchiliq siyasiti bilen kéngeymichilik siyasitige naraziliq bildürgen.

15-Awghust küni, ikkinchi dunya urushi axirlashqan kün bolup, bu künde, yaponiye Uyghur jem'iyiti qirghinchiliq we urushning insaniyetke keltüridighan balayi-  apetlirini eslitish pursitidin paydilinip, Uyghurlar  duch kéliwatqan irqiy qirghinchiliq we insaniyetke qarshi jinayetlerni pash qilish charisi qollan'ghan.

 Bu küni xitayning tokyo shehiride turushluq elchixanisi aldida namayish ötküzülgen   bolup , yaponiye Uyghur jem'iyiti bilen teywen tetqiqat munbiri birge ötküzgen mezkur namayishta, namayish ehli  xitayning Uyghurlargha élip bériwatqan irqiy qirghinchiliqi bilen kéngeymichilik siyasitige naraziliq bildürgen.  Yaponiye Uyghur jem'iyitining bashqurush hey'et ezasi sawut memet ependi bu heqte melumat berdi.

Xitayning tokyo elchixanisi aldidiki namayish. Yaponiye tokyo, 2022-yil awghust.
Xitayning tokyo elchixanisi aldidiki namayish. Yaponiye tokyo, 2022-yil awghust.
RFA/Erkin Tarim

Namayishta teywen ammiwi teshkilatlirining mes'ulliri Uyghurlarning hazirqi éghir weziyitige qattiq échinidighanliqini, her da'im Uyghurlarni qollaydighanliqini tekitleshken. Sawut memet ependi bu heqtimu toxtaldi.

Yaponiye Uyghur jem'iyitining mu'awin re'isi xalmet rozaxun ependi pa'aliyet jeryanida bir qisim yaponiye yerlik parlamént ezalirining alahide kélip nutuq sözlep  , Uyghurlarni qollaydighanliqini bildürgenlikini bayan qildi.

Yaponiyede2021- yili2 -ayda bashlan'ghan “Uyghur irqiy qirghinchiliqi” ni anglitish pa'aliyiti hazirghiche oxshimaydighan 31 ölke we sheherde 100 meydandin köprek élip bérilghan bolup, pa'aliyet jeryanida jem'iy yüz mingdin köp  waraqche tarqitilghan.  Bu xil pa'aliyetler netijiside 2022-yili 2-ayning 1-küni yaponiye parlaméntida “Uyghur qatarliqlarning éghir kishilik hoquq weziyiti toghrisidiki qarar” maqulluqtin ötkenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.