Ғәрб әллири хитайни уйғур районини тәкшүрүшкә ечишқа чақирди

Мухбиримиз җүмә
2020-09-27
Share
Abdushuklur-Abdureshit-BDT-202009.jpg Шветсарийәдә яшаватқан компютер учур бихәтәрлик мутәхәссиси, уйғур академийәси явропа шөбисиниң рәиси доктор абдушүкүр абдурешит әпәнди б д т кишилик һоқуқ кеңишидә гуваһлиқ бәрмәктә. 2020-Йили 25-сентәбир.
Social Media

25-Сентәбир б д т кишилик һоқуқ кеңишидә ғәрб әллири хитайни бир милйондин артуқ уйғур қатарлиқ түркий милләтләр лагерларға қамалған уйғур районини тәкшүрүшкә ечишқа чақирди.

Германийә явропа иттипақи үчүн сөз қилип, уйғур районида зор түркүмдики "сиясий қайта тәрбийиләш лагерлири", кәң көләмлик назарәт қилиш сестимиси мәвҗутлуқи вә диний етиқад әркинликиниң системилиқ чәкләнгәнликини билдүрди. 

Канаданиң баш әлчиси леслей нортон бу райондики "кәң көләмдә халиғанчә тутуп туруш вә балиларни ата-анисидин айриветиш, назарәт қилиш, шундақла мәҗбурий әмгәк вә мәҗбурий туғут чәкләш қатарлиқ сиясәтләр" тоғрисида агаһландуруш бәрди.

Кишилик һоқуқни көзитиш тәшкилатидики җон фишер 300 дин артуқ паалийәтчигә вакалитән мунбәрдә мундақ деди: "һечқандақ бир дөләт қанундин үстүн болмаслиқи керәк, әмди хитайға нөвәт кәлди."

Йиғинда гуваһлиқ бәргән абдушүкүр абдуришит исимлик уйғур йигит, уйғур хәлқигә ирқий қирғинчилиқ йүргүзүлүватқанлиқини билдүрди вә кеңәштин өзиниң ана юртиға б д т тәкшүргүчиси әвәтишни тәләп қилди.

У мундақ деди: "аиләмдикиләр хитайниң җаза лагериға тутқун қилинди. Акам қул ишчиси сүпитидә телефон зәрәтлигүчлирини қураштурушқа мәҗбурланди. Бәлки қолуңлардики зәрәтлигүчләр арисида у ясиған зәрәтлигүч болуши мумкин."

Хитай дипломати ғәрб вәкилләр өмикиниң агаһладурушлирини "асассиз" дәп рәт қилди. 

Б д т кишилик һоқуқ алий комиссари мишел бачелет алдинқи һәптә өзиниң хитай даирилири билән уйғур диярини зиярәт қилиш мумкинчилики тоғрисида сөһбәтлишиватқанлиқини ейтқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт