Gherb elliri xitayni Uyghur rayonini tekshürüshke échishqa chaqirdi

Muxbirimiz jüme
2020-09-27
Share
Abdushuklur-Abdureshit-BDT-202009.jpg Shwétsariyede yashawatqan kompyutér uchur bixeterlik mutexessisi, Uyghur akadémiyesi yawropa shöbisining re'isi doktor abdushükür abduréshit ependi b d t kishilik hoquq kéngishide guwahliq bermekte. 2020-Yili 25-séntebir.
Social Media

25-Séntebir b d t kishilik hoquq kéngishide gherb elliri xitayni bir milyondin artuq Uyghur qatarliq türkiy milletler lagérlargha qamalghan Uyghur rayonini tekshürüshke échishqa chaqirdi.

Gérmaniye yawropa ittipaqi üchün söz qilip, Uyghur rayonida zor türkümdiki "Siyasiy qayta terbiyilesh lagérliri", keng kölemlik nazaret qilish séstimisi mewjutluqi we diniy étiqad erkinlikining sistémiliq cheklen'genlikini bildürdi. 

Kanadaning bash elchisi lésléy norton bu rayondiki "Keng kölemde xalighanche tutup turush we balilarni ata-anisidin ayriwétish, nazaret qilish, shundaqla mejburiy emgek we mejburiy tughut cheklesh qatarliq siyasetler" toghrisida agahlandurush berdi.

Kishilik hoquqni közitish teshkilatidiki jon fishér 300 din artuq pa'aliyetchige wakaliten munberde mundaq dédi: "Héchqandaq bir dölet qanundin üstün bolmasliqi kérek, emdi xitaygha nöwet keldi."

Yighinda guwahliq bergen abdushükür abdurishit isimlik Uyghur yigit, Uyghur xelqige irqiy qirghinchiliq yürgüzülüwatqanliqini bildürdi we kéngeshtin özining ana yurtigha b d t tekshürgüchisi ewetishni telep qildi.

U mundaq dédi: "A'ilemdikiler xitayning jaza lagérigha tutqun qilindi. Akam qul ishchisi süpitide téléfon zeretligüchlirini qurashturushqa mejburlandi. Belki qolunglardiki zeretligüchler arisida u yasighan zeretligüch bolushi mumkin."

Xitay diplomati gherb wekiller ömikining agahladurushlirini "Asassiz" dep ret qildi. 

B d t kishilik hoquq aliy komissari mishél bachélét aldinqi hepte özining xitay da'iriliri bilen Uyghur diyarini ziyaret qilish mumkinchiliki toghrisida söhbetlishiwatqanliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet