Rabiye qadir xanim xitay qisimlirining yekende qirghinchiliq qilghanliqini bildürdi

Muxbirimiz jüme
2014-08-27
Élxet
Pikir
Share
Print
Rabiye qadir xanim xitay qisimlirining yekende qirghinchiliq qilghanliqini bildürmekte
Rabiye qadir xanim xitay qisimlirining yekende qirghinchiliq qilghanliqini bildürmekte
RFA

Charshenbe küni, dunya Uyghur qurultiyi re'isi rabiye qadir xanim axbarat élan qilish yighini chaqirip, xitay qoralliq qisimlirining "28 - Iyul yeken isyani" da namayishchilarni qara - qoyuq oqqa tutqanliqi we qirghinchiliq élip barghanliqini bildürdi.

"Sherqiy türkistandiki ensizlik: xitay démigen heqiqetler" namliq axbarat élan qilish yighini 27 - awghust amérika paytextige jaylashqan döletlik axbarat kulubida ötküzüldi.

Axbarat élan qilish yighinini  dunya uyghun qurultiyi we xelq'ara kishilik hoquq we démokratiye fondi jem'iyiti birlikte teshkilligen bolup, yighinda qurultay re'isi rabiye qadir xanim asasliqi xitay axbaratlirining yekendiki namayishni burmilap özige paydiliq qilip xewer qilghanliqini misallar bilen körsetti.

U sözide xitay da'irilirining namayishta peqet 96 adem ölgenlikini élan qilghanliqi, öz teshkilatining bu san'gha ishenmeydighanliqi, 28 - iyul xitay qoralliq qisimlirining oqida ölgen adem sanining buningdin nechche hesse köp bolushi mumkinlikni ilgiri sürdi.

Rabiye qadir xanim ilgiri bayanatlirida xitay qoralliq qisimlirining az dégende ikki ming Uyghurni étip öltürgenlikini bildürgen idi.

U, bügünki axbarat élan qilish yighinida yuqiriqi nuqtini kéngeytip yorutup berdi.

Yighin'gha köpligen axbarat agéntliqliri muxbir ewetti we so'allarni sorashti.

Toluq bet