Zoom Shirkitining bir xadimi xitayning buyruqi bilen “Tyen'enmén qirghinchiliqi” toghrisidiki tor yighinlirigha kashila peyda qilghan
FBI Chiqarghan zum (ZOOM) shirkitining xitayda turushluq ijra'iye emeldari shinjang jinni tutush buyruqi.
fbi.gov
Amérika teptish mehkimisining jüme küni bildürüshiche, zum (ZOOM) shirkitining bir ijra'iye emeldari xitayning buyruqi bilen “Tyen'enmén qirghinchiliqi” toghrisidiki tor yighinlirigha kashila peyda qilish üchün amérikiliq abuntlarning hésabatlirini öchürüp tashlighan.
Amérika teptish emeldarining éytishiche, zum shirkitining xitayda turushluq ijra'iye emeldari shinjang jin yighin qatnashquchilirining hésabatini oydurma sewebler bilen toxtitiwetkechke zum arqiliq ötküzülidighan “Tyen'enmén qirghinchiliqi” ning 31 yilliqini xatirilesh pa'aliyetliri emeldin qaldurulghan.
Melum bolushiche, u bashqilar bilen hemkarliship térrorluqqa a'it yaki nashayan resimlerni ishlitip saxta isim bilen widiyo yighinigha qatnashqan we uningdin kéyin “Yighinning ishlitish shertlirige xilapliq qilghanliqi” ni doklat qilish arqiliq yighinning emeldin qaldurulushini keltürüp chiqarghan.
Amérika teptish mehkimisining nyu-yorktiki bir tarmiqi teripidin sunulghan bu heqtiki shikayetke qarighanda, shinjang jin xitay j x tarmaqliri bilen hemkarliship, bu yil may we iyunda ötküzülgen yaki pilan qilin'ghan töt qétimliq tor yighinining emeldin qaldurulushigha seweb bolghan.
Teptish emeldarining éytishiche, shinjang jinning yene bir ismi juli'én jin bolup, zum shirkiti jüme küni uning shirket xizmetchisi ikenlikini delilligen.
Zum shirkiti esli xitayda tughulup ösken yüen jéng yaki érik yüen dep étilidighan bir kompyutér inzhénéri teripidin qurulghan. Shirketning bash shtabi kaliforniye shtatining san xoséda bolup, uning xitayda nechche yüz xizmetchisi bar iken.
Eger shinjang jin'gha artilghan jinayetler delillen'gen teqdirde uninggha 10 yilliq qamaq jazasi bérilishi mumkin. Halbuki, jin nöwette xitayda yashaydighan bolup, uni amérikigha élip kélip jazalash qéyin iken.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
