Zulxumar is'haq: ata-anam bir ömür partiye üchün xizmet qilipmu beribir lagérgha qamaldi

Muxbirimiz irade
2019-03-20
Élxet
Pikir
Share
Print
Hazir shiwétsiyede yashawatqan zulxumar is'haq xanimning ata-anisi is'haq peyzulla ependi we zöhre talip xanim. (Waqti we orni éniq emes)
Hazir shiwétsiyede yashawatqan zulxumar is'haq xanimning ata-anisi is'haq peyzulla ependi we zöhre talip xanim. (Waqti we orni éniq emes)
Zulxumar Is’haq teminligen

Xitay hökümiti, Uyghur élide 800 mingdin ikki milyon'ghiche Uyghur, qazaq qatarliq yerlik xelqlerni lagérgha qamiwalghanliqini deslepte pütünley inkar qilghan bolsa kéyin birleshken döletler teshkilati we bashqa xelq'araliq kishilik hoquq organliri, amérika hökümiti qatarliqlarning küchlük pakitliri netijiside sözini özgertip, Uyghur élide "Terbiyelesh merkizi" barliqini, bu orunlarning "Radikalliqni tügitish", "Térrorluqning aldini élishni meqset qilghan orunlar" ikenlikini, bu orunlarda radikal idiye bilen yuqumlan'ghan kishilerning xitay tili, qanun we bashqa kespiy maharetlerni öginish arqiliq qaytidin jem'iyetke yaramliq qilip terbiyeliniwatqanliqini teshwiq qilishqa bashlidi.

Biraq, bu lagérlarning heqiqiy ehwali xitay hökümiti ilgiri sürgendin tolimu perqliq ikenliki, lagérdiki tutqunlargha a'it ashkariliniwatqan ehwallar, sergüzeshtler hem uchurlar sayiside dunyagha ayan bolmaqta. Ene shundaq sergüzeshtlerning biri zulxumar is'haqqa tewedur.

1988-Yili qumulda tughulup chong bolghan, xitay tilida ma'arip terbiyesi körgen, béyjingdiki eng yaxshi uniwérsitétlarning biride oqughan we xizmet qilghan shuningdek bu jeryanda özining raziliqi bilen bir xitay erge tégip a'ile qurghan zulxumar is'haqmu chet'ellerdiki ata-anisidin xewer alalmaywatqan minglarche Uyghurning biridur. Hazir shiwétsiyede yashawatqan zulxumar is'haqning éytishiche, uning apisi zöhrem talip we dadisi is'haq peyzulla her ikkilisi lenjudiki gherbiy shimal milletler institutida oqughandin kéyin qumulda bir ömür hökümet xizmitini qilghan we 2017-yili pénsiyege chiqqan. Zulxumar bizge: "Méning ata-anam peqet Uyghur bolghanliqi üchün tutqun qilindi. Xitay hökümitining biz térrorluq bilen küresh qiliwatimiz dégini yalghan. Men buni öz hékayem arqiliq dunyagha ashkarilaymen" dédi. Uning éytishiche, hökümetke sadiq mezkur aliy ma'arip terbiyesi körgen, uzun yil xitay hökümitining xizmitini qilip pénsiyege chiqqan ata-anilarni aqiwette xitay hökümiti oxshashla bigunah halda lagérgha soliwetken.

Yuqiridiki awaz ulinishidin muxbirimizning zulxumar is'haq bilen ötküzgen söhbitige ishtirak qilghaysiler.

Toluq bet