ຣັຖບາລລາວ ແລະ ໄທຽ ຄວນພິຈາຣະນາ ຢ່າງຖີ່ຖ້ວນ ແລະ ຄຳນືງເຖີງ ຜົລເສັຽຫາຍ ຢ່າງຄັກແນ່ ໃນໂຄງກາຣສ້າງເຂື່ອນ ຕາມລຳແມ່ນ້ຳຂອງ

2008-03-25
ອີແມວລ໌
ຄໍາເຫັນ
Share
ພິມ

ດຣ. ສຸພນິມິຕ ປິຕິພັນ ອາຈາຣຍ໌ ໃນຂະນະ ຣັຖສາຕ ຂອງມະຫາວິທຍາລັຍຈຸລາລົງກອນ ໄດ້ແສດງຄວາມເຫັນ ກ່ຽວກັບ ເຣື່ອງທີ່ທາງຣັຖບາລ ສປປລາວ ແລະ ໄທຽຈະຕົກລົງເຊັນສັນຍາ ຮ່ວມມື ໃນໂຄງກາຣກໍ່ສ້າງເຂື່ອນ ຜລິຕກະແສໄຟຟ້າ ຕາມລຳແມ່ນ້ຳຂອງ ນັ້ນວ່າ: ເປັນໂຄງກາຣໃຫຍ່ ທີ່ຄວນຈະຕ້ອງຄຳນືງ ເຖີງຜົລປະໂຍດ ຂອງຫລາຍໆ ປະເທດ ທີ່ຍັງໄດ້ອາສັຍແມ່ນ້ຳ ດັ່ງກ່າວນີ້ວ່າ:

“ທ່ານເປັນຫ່ວງນຳ ບັນຫາທີ່ຈະຕາມມາ ພາຍຫລັງ ໂດຽສະເພາະ ທີ່ວ່າ ມັນມີ Holder ຫລື ຜູ້ຮັບພາຣະຕົ້ນທຶນ ຫລາຍຝ່າຍ ທີ່ຈະຕ້ອງມີກາຣກະຈາຍ ຜົລໄດ້-ຜົລເສັຽ ແລະ ແມ່ນຜູ້ໃດ ຈະໄດ້ຮັບຜົລປະໂຍດ ມັນບໍ່ແມ່ນ ແຕ່ສອງຄົນ ເທົ່ານັ້ນ ດ້ວຍເຫຕນັ້ນ ກາຣທີ່ຈະມີແຕ່ ຣັຖບາລ ຂອງສອງປະເທດ ພິຈາຣະນາກັນນັ້ນ ຈື່ງເຫັນວ່າ ບໍ່ສົມຄວນ ເພາະບໍ່ຢາກໃຫ້ ເກີດມີບັນຫາ ນັ້ນເອງ”

ເຖີງຢ່າງໃດກໍຕາມ ທາງກະຊວງ ກາຣຕ່າງປະເທດ ຂອງໄທຽ ໄດ້ເປີດເຜີຽວ່າ: ເຈົ້າ ໜ້າທີ່ ກ່ຽວຂ້ອງ ຂອງໄທຽ ຈະໄປຮ່ວມ ໃນກາຣລົງນາມ ບັນທຶກຄວາມເຂົ້າໃຈ ຮ່ວມກັບ ທາງກາຣລາວ ໃນມື້ວັນທີ່ 25 ມີນານີ້ ເພື່ອອະນຸມັຕ ໃຫ້ພາຄສ່ວນເອກຊົນ ດຳເນີນ ກາຣສຶກສາ ເບີ່ງຄວາມເປັນໄປໄດ້ ໃນໂຄງກາຣພັທນາ ສ້າງເຂື່ອນໄຟຟ້າ ໃນແມ່ນ້ຳ ຂອງຕື່ມອີກ ຢູ່ທີ່ບໍຣິເວນ ບ້ານກຸ່ມນ້ອຍ ເມືອງຊນະສົມບຸນ ແຂວງຈຳປາສັກ ຊື່ງຢູ່ກົງຂ້າມກັບ ບ້ານທ່າລັງ ເມືອງໂຂງຈຽມ ແຂວງອຸບົລຣາຊທານີ.

ດຣ. ສຸພນິມີຕ ໄດ້ກ່າວເນັ້ນ ອີກວ່າ: ໂຄງກາຣດັ່ງກ່າວນີ້ ຄວນຈະມີ ກາຣເປີດໂອກາດ ໃຫ້ປະຊາຊົນ ໃນເຂຕພື້ນທີ່ ໄດ້ມີສ່ວນຮ່ວມ ໃນກາຣອອກຄວາມຄິດຄວາມເຫັນ ຢ່າງກວ້າງຂວາງ ເສັຽກ່ອນ ແລະ ພ້ອມດຽວກັນນັ້ນ ກໍຄວນຈະມີກາຣປຶກສາຫາຣື ກັບ ບັນດາປະເທດອື່ນໆ ທີ່ອາສັຍໃຊ້ແມ່ນ້ຳຂອງ ດັ່ງກ່າວນີ້ ເຊັ່ນກັນນັ້ນ!!

ສເນີ ໂດຍ ຫວາດ ສີມູນ

ຄໍາເຫັນ (0)
Share
ເຕັມຫນ້າ