ວີດີໂອ

ສຽງດົນຕຣີ ທີ່ກຳລັງບັນເລັງ ຢູ່ແຄມຝັ່ງແມ່ນ້ຳຂອງ, ນີ້ຄືສ່ວນນຶ່ງຂອງດົນຕຣີ “ຮັກແມ່ນ້ຳຂອງ” ທີ່ຈັດຂຶ້ນ ຢູ່ເຂດຊາຍແດນ ເມືອງສັງຄົມ ແຂວງໜອງຄາຍ ປະເທດໄທຍ ແລະເມືອງສັງທອງ ນະຄອນຫຼວງວຽງຈັນ ເມື່ອ ວັນທີ 9 ກັນຍາ ທີ່ຜ່ານມາ ເຊິ່ງມີຜູ້ເຂົ້າຮ່ວມ 500 ຄົນ. ງານດົນຕຣີນີ້ ຈັດຂຶ້ນໂດຍເຄືອຂ່າຍ ສື່ມວນຊົນແຂວງໜອງຄາຍ ຂອງໄທຍ ທີ່ໄດ້ຕິດຕາມ ແລະຣາຍງານຂ່າວ ປະເດັນວິກິດ ແມ່ນ້ຳຂອງ ມາດົນແລ້ວ ຈົນພົບວ່າຜົລກະທົບ ຈາກເຂື່ອນມີຫຼວງຫຼາຍ ຈຶງຕັດສິນໃຈ ເຊີນຊວນສິລປິນ ທີ່ມີຊື່ສຽງໃນພາກອີສານ ຮ່ວມຮ້ອງເພັງ ສະແດງພະລັງ ບໍ່ເອົາເຂື່ອນໃນແມ່ນ້ຳຂອງ.