ໂຄງການສ້າງເຂື່ອນ ເຊກະໝານ-1 ຕອ້ງການຄົນງານ ຫລາຍກ່ວາ 2,000 ຄົນ
2008.01.28
ໂຄງການ ເຂື່ອນເຊ ກະໝານ-1 ຕັ້ງຢູ່ເຂດ ເມືອງຊານໄຊ ແຂວງອັຕະປື, ມູນຄ່າໃນການກໍ່ສ້າງ ປະມານ 315 ລ້ານ ໂດລາສະຫະຣັຖ ແລະ ຊາວບ້ານ ທີ່ໄດ້ຮັບ ຜົນກະທົບ ຈາກ ການສ້າງເຂືອນນີ້ ກໍມີ 7 ໝູ່ບ້ານ.
ໂຄງການສ້າງເຂື່ອນ ເຊກະໝານ-1 ຂອງວຽດນາມ ໃນ ແຂວງອັຕະປື ຕ້ອງການ ຄົນງານ ທັງຊາວລາວ ແລະຊາວຕ່າງປະເທດ ຫລາຍກ່ວາ 2,000 ຄົນ.
ທ່ານ ສຸກສະໃໝ ຈັນທະມາດ ຫົວໜ້າຜະແນກ ພະລັງງານ ແລະບໍ່ແຮ່ແຂວງ ອັຕະປື ໄດ້ແຈ້ງໃຫ້ຊາບວ່າ ໂຄງການພັດທະນາ ເຂື່ອນເຊກະໝານ-1 ຂະໜາດ 290 ເມກາວັດ ໃນ ແຂວງອັຕະປື ຊຶ່ງວຽດນາມ ເປັນຜູ້ສ້າງ, ຖ້າຫາກມີ ການອານຸມັດແລ້ວ, ຈະໄຊ້ຄົນງານ ຫລາຍກ່ວາ 2,000 ຄົນ ເພື່ອຈະໃຫ້ແລ້ວ ຕາມກຳນົດ ປະມານ 4 ປີ.
(ສຽງ) "ເຂົາຕ້ອງການແຮງງານ ປະມານ 2,000 ກ່ວາຄົນ ເພາະວ່າ ປີ 2011 ຕ້ອງໃຫ້ສຳເຣັດ. ບຸຣິມະສິດ ຕ້ອງແມ່ນແຮງງານ ທ້ອງຖິ່ນ ວ່າອັນໃດແຮງງານທ້ອງຖິ່ນ ເຮັດໄດ້. ຖ້າວ່າຕົວໃດ ເປັນນາຍຊ່າງ ຕ້ອງໄດ້ເອົາມາແຕ່ນອກ ບໍ່ແມ່ນສະເພາະວຽດນາມ ແຕ່ຫລາຍປະເທດເອົາມາ ."
ໂຄງການເຂື່ອນເຊກະໝານ-1 ຕັ້ງຢູ່ເຂດເມືອງຊານໄຊ, ມູນຄ່າໃນການກໍ່ສ້າງ ປະມານ 315 ລ້ານ ໂດລາ ສະຫະຣັຖ. ຕາມນະໂຍບາຍ ການລົງທຶນດ້ານ ພະລັງງານ ໃນລາວນັ້ນ ຣັຖະບານລາວ ຈະຕ້ອງຖືຮຸ້ນ 25%.
ຫລັງຈາກ ສ້າງສຳເຣັດແລ້ວ ບໍຣິສັດເອກະຊົນ ຂອງວຽດນາມ ຈະດຳເນີນກິດຈະການ ເປັນເຈົ້າຂອງເປັນເວລາ 30 ປີ. ຄາດວ່າທາງການລາວ ຈະອານຸມັດໃຫ້ວຽດນາມ ພັດທະນາ ໂຄງການນີ້ ພາຍໃນກາງປີ 2008 ນີ້ ແຕ່ກໍຍັງມີບັນຫາອື່ນໆອີກທີ່ ທາງການລາວ ກຳລັງພິຈາຣະນາ.
(ສຽງ) "ຣັຖະບານເນື້ອແທ້ ກໍຈະອານຸມັດແຫລະ ແຕ່ວ່າ ກຳລັງພິຈາຣະນາ. ຕົ້ນຕໍແມ່ນເຣື້ອງສະພາບ ແວດລ້ອມ ເພາະວ່າ ມັນໃຫ້ຜົນກະທົບ ຕໍ່ສະພາບແວດລ້ອມ ນ້ອຍທີ່ສຸດ. ອີກອັນກໍແມ່ນເຣື້ອງການ ໂຍກຍ້າຍ ປະຊາຊົນນັ້ນ ຈັດສັນທີ່ຢູ່ໃໝ່ວ່າຊັ້ນສະ."
ທ່ານວ່າ ຊາວບ້ານ ທີ່ໄດ້ຮັບຜົນກະທົບ ຈາກການສ້າງເຂືອນ ເຊກະໝານ-1 ນີ້ ກໍມີ 7 ໝູ່ບ້ານ. ການສ້າງເຂື່ອນແຫ່ງນ້ີ ກໍຄືກັນກັບເຄື່ອນແຫ່ງອື່ນໆ ທີ່ຈະຕ້ອງຕັດໄມ້ ອອກຈາກອ່າງໂຕ່ງນໍ້າ ຫລາຍແສນແມັດກ້ອນ. ທ່ານວ່າ ເວລານີ້ ກໍມີເອກະຊົນ ຕ່າງຊາດ ຫລາຍລາຍແລ້ວສົນໃຈ ຈັບຈອງໂຄຕາການຂຸດຄົ້ນໄມ້ ອອກຈາກບໍຣິເວນ ສ້າງເຂື່ອນດັ່ງກ່າວ.
ສົມເນ ຣາຍງານ
ອ່ານຂ່າວເພີ້ມເຕີມ
- ກະຊວງກະສິກັມຂອງລາວ ສົ່ງເສີມ ການລ້ຽງປາ ເພື່ອເປັນເສຖະກິດ ປະຈຳຄອບຄົວ ແລະ ໃຫ້ເປັນຕົວຢ່າງ ແກ່ຊາວບ້ານ ໃນຊຸມຊົນ
- ຜະແນກ ສາທາຣະນະສຸກ ແຂວງອັຕະປື ເຕືອນປະຊາຊົນ ບໍ່ໃຫ້ກິນ ອາຫານ ສຸກໆດິບໆ
- ການສໍາຣວດ ແລະສໍາພາດ ຊາວມົ້ງລາວ ຫ້ວຍນໍ້າຂາວ ສໍາເຣັດໄປແລ້ວ 70 ເປີເຊັນ ແລະຄາດວ່າ ຈະເສັດສີ້ນໃນໄວໆນີ້
- ຣັດຖະບານລາວ ຮຽກຮ້ອງ ໃຫ້ທຸກໆແຂວງ ຂອງລາວ ສະກັດກັ້ນ ການຣະບາດ ຂອງໂຣກຖອກທ້ອງ cholera
- ສໍານັກງານຂົນສົ່ງທາງນໍ້າ ແລະ ພານິດນາວີ ແຂວງຊຽງຮາຍ ຂອງໄທ ຕຽມຮັບມື ກັບສະພາບຣະດູແລ້ງ ທີ່ອາດສົ່ງຜົນກະທົບ ຕໍ່ການຂົນສົ່ງ ທາງເຮືອ ຕາມລຳນ້ຳຂອງ
- ຍັງມີ ຊາກກະດູກ ໂຕ ໄດນາຊໍຣ ທີ່ຖືກປ່ອຍຖິ້ມຮ້າງ ຢູ່ຕາມທັມມະຊາດ ເປັນຈໍານວນຫລວງຫລາຍ ໃນພື້ນທີ່ ແຂວງສວັນນະເຂດ
- ການໄຟຟ້າ ແຂວງຫລວງພຣະບາງ ຂາດທຶນ ມາໂດຍຕລອດ ເນື່ອງຈາກວ່າ ຊື້ໄຟຟ້າ ໃນຣາຄາແພງ ແລະ ຂາຍ ໃນຣາຄາຖືກ
- ແຂວງໄຊຍະບູຣີ ຍັງມີກຸ່ມຄົນ ຈໍານວນນຶ່ງ ທີ່ເສບ ແລະ ຂາຍຢາບ້າ ຫລົງເຫລືອຢູ່
- ແຂວງອັຕປື ຕ້ອງການໃຫ້ມີນັກທຸຣະກິດ ເຂົ້າໄປລົງທຶນພັທນາ ຫລັງຈາກ ເປີດດ່ານສາກົນ ຣະຫວ່າງ ລາວ-ວຽດນາມ ຢ່າງເປັນທາງການ ເມື່ອມໍ່ໆມານີ້
- ລາວ ຂໍຄວາມຊ່ອຍເຫລືອ ຈາກຣັຖບານຊຸດໃໝ່ ຂອງໄທ ໂດຍຜ່ານ ຄະນະກັມມະການ ໂອແລັມປິກໄທ ໃນການກຽມໂຕ ເປັນເຈົ້າພາບກິລາ ຊີແກມຊ໌ ຄັ້ງທີ 25 ໃນປີ 2009