ການທົດລອງ ນໍ້າມັນ ບາຍໂອ-ດີໂຊ ທີ່ຜລິດຈາກໝາກເຍົາ ກັບຣົດໄຖ ຍ່າງຕາມ ໃນເຂດເມືອງໄຊທານີ ໄດ້ຮັບຜົນສໍາເຣັດ
2008.01.14
ໂຄງການຮ່ວມມື ຣະຫວ່າງ ຣັຖບານ ລາວ ແລະ ໄທ ທີ່ໄດ້ຈັດຕັ້ງ ໂຄງການຜລິດນໍ້າມັນ ບາຍໂອ-ດີໂຊ ຈາກໝາຍເຍົາ ເພື່ອນໍາໄປຊ່ອຍຫລຸດຜ່ອນ ບັນຫານໍ້າມັນແພງ ນັ້ນ, ປັດຈຸບັນນີ້ ການທົດລອງ ໃນເບື້ອງຕົ້ນ ຖືວ່າ ປະສົບຜົນສໍາເຣັດດ້ວຍດີ. ຊາວກະສິກອນ ທ່ານນຶ່ງ ທີ່ໄດ້ເຂົ້າຮ່ວມ ໂຄງການດັ່ງກ່າວ ເວົ້າວ່າ:
(ສຽງ) “ກໍທົດລອງແລ້ວ ກັບຣົດຕູ້, ຣົດໄຖນາ ຍ່າງຕາມ, ພວກນີ້ ພວກເຂົາສູບປາ, ເຂົາກໍມາຂໍໄປທົດລອງເບິ່ງ ໃຜກໍວ່າດີ ຢູ່ໃດ໋ລະ, ເພາະເຄື່ອງຈັກ ມັນແຮງຂຶ້ນໄດ້ດີ ມັນບໍ່ຄວັນ.”
ທ່ານ ກ່າວຕໍ່ໄປວ່າ ໂຄງການດັ່ງກ່າວ ໄດ້ຮັບການຊ່ອຍເຫລືອ ຈາກກົມພັທນາພະລັງງານ ທົດແທນ ແລະ ອະນຸຮັກ ພະລັງງານ ຂອງໄທ ທີ່ໄດ້ເຂົ້າໄປ ຈັດຕັ້ງໂຄງການ ຜລິດນໍ້າມັນ ບາຍໂອ-ດີໂຊ ຊຸມຊົນ ໂດຍເຂົ້າໄປສົ່ງເສີມ ປະຊາຊົນ ທີ່ບ້ານ ທົ່ງມັ່ງ, ເມືອງໄຊທານີ ໃຫ້ມີຄວາມຮູ້ ໃນການຜລິດນໍ້າມັນ ບາຍໂອ-ດີໂຊ ຈາກໝາກເຍົາ ໄດ້ ດ້ວຍຕົນເອງ.
ເມື່ອທ້າຍເດືອນທັນວາ ຜ່ານມາ, ທາງການໄທ ກໍໄດ້ມອບເຄື່ອງຈັກ ທີ່ໃຊ້ໃນການຜລິດ ໃຫ້ແກ່ໂຕແທນບ້ານ, ພ້ອມທັງໃຫ້ຄວາມຮູ້ ໃນການນໍາໃຊ້. ຈາກນັ້ນ ກໍໄດ້ທົດລອງ ຜລິດ ແລະ ນໍານໍ້າມັນ ດັ່ງກ່າວ ໄປໃຊ້ກັບເຄື່ອງຈັກ ທາງດ້ານກະສິກັມ, ຊຶ່ງກໍຖືວ່າ ໄດ້ຜົນດີ ແລະ ຈາກການຄໍານວນຕົ້ນທຶນ ໃນການຜລິດນໍ້າມັນ ບາຍໂອ-ດີໂຊ ນີ້ ຈະຕົກຢູ່ ລິດລະປະມານ 6 ພັນກີບ.
ຊາວກະສິກອນ ທ່ານນີ້ ກ່າວກ່ຽວກັບ ການພັທນາໂຄງການ ໃນລະຍະຕໍ່ໄປ ວ່າ:
(ສຽງ) “ເຮົາໄດ້ເອົາເຄື່ອງໂຕນີ້ແລ້ວ, ຈະເຮັດປັ້ມຫລອດນີ້ຂາຍ ວ່າ ນໍ້າມັນ ບາຍໂອ-ດີໂຊອັນນີ້ ເຮັດຈາກອັນນີ້, ຊຶ່ງຣາຄານໍ້າມັນ ຖືກກ່ວາ ນໍ້າມັນອັນນັ້ນເທົ່ານັ້ນ, ຄັນຖ້າຫາກວ່າ ຜູ້ໃດ ມີໝາກເຍົາຫລາຍ ພວກເຮົາ ກໍຈະປະກາດ ຮັບຊື້ ມາຜລິດນໍ້າມັນ ຫລືວ່າ ນໍາມາແລກປ່ຽນ ກະໄດ້. ເຮົາກໍປະກາດເລີຍ ໝາກເຍົາ 6 ກິໂລ ແລກນໍ້າມັນ ໄດ້ 1 ລີດ.”
ຢ່າງໃດ ກໍດີ, ໂຄງການດັ່ງກ່າວ ຖືເປັນໂຄງການທໍາອິດ ທີ່ປະຊາຊົນ ໄດ້ຮັບຄວາມຮູ້ ໃນການພັທນາ ໝາກເຍົາ ເພື່ອນໍາໄປໃຊ້ກັນເອງ ພາຍໃນເຂດຊຸມຊົນ ຂອງຕົນ, ເພາະການພັທນາ ທີ່ມີກ່ອນໜ້ານີ້ ເປັນໄປໃນລັກສະນະ ຂອງທຸຣະກິດ, ຊຶ່ງທີ່ຜ່ານມາ ກໍມີເອກະຊົນ ຈາກຍີ່ປຸ່ນ ແລະ ເກົາຫລີໃຕ້ ເຂົ້າໄປລົງທຶນ ໃນພື້ນທີ່ຫລາຍພັນເຮັກຕາ.
ຈະເຣີນສຸກ ຣາຍງານ
ອ່ານຂ່າວເພີ້ມເຕີມ
- ຣັດຖະບານລາວ ຍອມຮັບວ່າ ການລົງທຶນ ມີອຸປະສັກຫລາຍຢ່າງ ແລະພ້ອມທີ່ຈະແກ້ໃຂ ຕາມການສະເນີ ຂອງນັກທຸຣະກິດຍີ່ປຸ່ນ
- ທາງການສປປລາວ ແລະ ວຽດນາມ ປະສົງທີ່ ຈະມີການຮ່ວມມືກັນ ຣະຫວ່າງ 2 ຝ່າຍ ຢ່າງເລິກເຊີ່ງຂຶ້ນຕື່ມ ໃນ ປີ 2008 ນີ້
- ການຊ່ວຍເຫລືອ ຂອງປະເທດ Sweden ມູນຄ່າທັງໝົດ 5 ລ້ານໂດລາ ສະຫະຣັດ ນັ້ນກໍານົດໃຫ້້ແກ່ ບັນດາປະເທດ ເຂດແມ່ນໍ້າຂອງ ລາວ ໃທ ແລະວຽດນາມ
- ສະຫະປະຊາຊາດ ໄດ້ມອບເງິນ ຈຳນວນ 1 ລ້ານ ກັບ 880, 000 ໂດລາສະຫະຣັຖ ໃຫ້ກອງທຶນ ໂຄງການ ພັດທະນາ ປູກພືດແທນຝິ່ນ ແກ່ຣັຖະບານລາວ
- ແຂວງຫລວງພະບາງ ຍັງມີບັນຫາ ກ່ຽວກັບ ການຖາງປ່າເຮັດໄຮ່ ຂອງຊາວບ້ານ ຢູ່ຢ່າງກ້ວາງຂວາງ
- ຣາຄາສິນຄ້າ ປະເພດເຄື່ອງຍ່ອຍ ຢູ່ໃນລາວເພີ້ມຂື້ນ ຍ້ອນວ່າ ຣາຄາສິນຄ້າເຄື່ອງຍ່ອຍ ໃນ ປະເທດໄທ ເພີ້ມຂື້ນ
- ທາງການລາວ ກໍານົດຂົງເຂດ ທີ່ອະນຸຍາດ ໃຫ້ປະຊາຊົນ ສາມາດລ້ຽງສັດປີກ ໄດ້ ໃນແຂວງວຽງຈັນ ໂດຍຈັດເປັນ 3 ປະເພດດ້ວຍ
- ມີນັກທ່ອງທ່ຽວ ພາຍໃນ ແລະ ຕ່າງປະເທດ ໄປທ່ຽວຊົມ ຖໍ້າປວັດສາດ ເມືອງວຽງໄຊ ຫລາຍຂຶ້ນ
- ເງິນລົງທຶນໂດຍຕຣົງ ຈາກຕ່າງປະເທດ ຫລື FDI ໃນລາວ ໄດ້ເພີ່ມຂຶ້ນ ເປັນ 1,130 ລ້ານ ໂດລາສະຫະຣັດ ໃນ 191 ໂຄງການ
- ລູກຣະເບີດ ທີ່ຍັງບໍ່ທັນແຕກໃນລາວ ເປັນໄພອັນຕະລາຍຢ່າງຍີ່ງ ສໍາລັບ ປະຊາຊົນລາວ ທີ່ມີອາຊີບ ຂາຍເສດເຫລັກ
ເລື່ອງທີ່ອ່ານຫຼາຍ
RFA
