ເຍົາວະຊົນລາວ ໃນປັດຈຸບັນ ບໍ່ຄ່ອຍສົນໃຈ ໃນເຣື້ອງ ສາສນາ ເໝືອນກັນກັບ ເຍົາວະຊົນ ໃນເມື່ອກ່ອນ
2008.01.29
ພຣະອາຈານ ທ່ານນຶ່ງ ຈາກວັດ ທີ່ນະຄອນຫລວງວຽງຈັນ ເວົ້າວ່າ ທຸກມື້ນີ້ ເຍົາວະຊົນລາວ ບໍ່ຄ່ອຍເຂົ້າວັດເລີຍ, ຊຶ່ງໂດຍສ່ວນຫລາຍແລ້ວ ເຍົາວະຊົນເຫລົ່ານັ້ນ ຈະໄປກັບຜູ້ປົກຄອງ ເພື່ອຟັງເທດ ທໍາບຸນ ໃສ່ບາດ, ບໍ່ມີກິຈກັມຫຍັງ ເປັນພິເສດ ເຊັ່ນບວດຮຽນ ຫລື ຖືສິນ ຕ່າງໆ.
ປັດຈຸບັນນີ້ ວັທນະທັມ ແລະ ຄ່ານິຍົມ ຈາກຕ່າງຊາດ ໄດ້ເຂົ້າໄປມີບົດບາດ ຢ່າງຫລວງຫລາຍ ໃນກຸ່ມເຍົາວະຊົນລາວ, ທັງໃນແງ່ຄວາມຄິດ ແລະ ການກະທໍາ, ຊຶ່ງພຣະອາຈານ ອົງດັ່ງກ່າວ ອະທິບາຍ ໃນຕອນນຶ່ງວ່າ:
(ສຽງ) “ມັນເຕີບໂຕ ແລະ ກ້າວໄປສູ່ ຢາກລອງ ເທັກໂນໂລຈີໃໝ່ໆ, ແລ້ວກໍຂ່ອນຂ້າງ ຈະຮັບວັທນະທັມ ຕາເວັນຕົກຫລາຍຂຶ້ນ, ກໍປ່ຽນແປງ ຈາກເດີມຫລາຍ, ມີພຶຕິກັມ ທີ່ຢາກລອງ ແລະ ຂ່ອນຂ້າງ ທີ່ຈະລ່ວງເກີນ ຫລາຍຂຶ້ນ.”
ທ່ານ ກ່າວຕື່ມວ່າ ເຖິງແມ່ນວ່າ ເຍົາວະຊົນ ເຫລົ່ານັ້ນ ຈະມັກທ່ຽວກາງຄືນ ຫລື ຕິດຢາເສບຕິດ, ສ່ວນໃນເຣື້ອງ ຂອງການລັກຂໂມຍນັ້ນ, ເປັນບັນຫາ ທີ່ສືບເນື່ອງ ມາຈາກການຕິດຢາເສບຕິດ, ແຕ່ວ່າ ເຍົາວະຊົນ ກຸ່ມນີ້ ກໍບໍ່ໄດ້ ສ້າງບັນຫາຮຸນແຮງ ໃຫ້ກັບສັງຄົມ.
ສ່ວນເຣື້ອງມາລະຍາດ, ເປັນຕົ້ນແມ່ນ ການສະແດງອອກ ຕໍ່ຜູ້ໃຫຍ່ ແມ່ນບໍ່ຮຽບຮ້ອຍ ຄືແຕ່ກ່ອນ.
(ສຽງ) “ກໍຢາກໃຫ້ຮັກສາ ວັທນະທັມເດີມ ຄື ມີຄວາມເປັນຜູ້ໃຫຍ່ ແລະ ມີການຮູ້ຈັກເດັກ ຮູ້ຈັກຜູ້ໃຫຍ່ ຮູ້ຈັກປະມານຕົນ ສະແດງອອກ ໃນທາງລັກສະນະ ທີ່ຮູ້ຈັກ ກາລະເທສະ, ບໍ່ແມ່ນວ່າ ຮຽນຮູ້ ຮັບວັທນະ ທັມ ຕາເວັນຕົກ ມາເຮັດໃຫ້ເສັຍໝົດທຸກຢ່າງ.”
ທ່ານ ໄດ້ກ່າວມ້ວນທ້າຍ ວ່າ: ເຍົາວະຊົນ ທຸກມື້ນີ້, ເຖິງແມ່ນວ່າ ທາງການ ສປປລາວ ຈະມີບັນຫາ ທາງສັງຄົມ, ແຕ່ທັງໝົດນັ້ນ ກໍບໍ່ໄດ້ຂຶ້ນ ຢູ່ກັບໂຕເຍົາວະຊົນ ພຽງຜູ້ດຽວ, ຜູ້ໃຫຍ່ ກໍຄວນ ໃຫ້ການອົບຮົມລ້ຽງດູ ທີ່ດີ ແລະ ບອກສອນ ໃຫ້ຮູ້ ຖືກ ແລະ ຮູ້ຜິດ ເພື່ອເຍົາວະຊົນ ເຫລົ່ານັ້ນ ຈະໄດ້ປະຕິບັດ ໃນສິ່ງທີ່ດີໆ ຕໍ່ໄປ.
ຈະເຣີນສຸກ ຣາຍງານ
ອ່ານຂ່າວເພີ້ມເຕີມ
- ອຸປະທູດ Sweden ສແດງຄວາມເສັຽໃຈ ທີ່ຣັຖບານ Sweden ປິດສຖານທູດ ທີ່ ສປປລາວ
- ທາງການລາວ ກຳລັງລໍຖ້າ ການຢືນຢັນ ຄວາມຊ່ວຍເຫລືອ ຈາກສະຫະພັນ ກິລາຄົນພິການ ແຫ່ງອາຊຽນ
- ທາງການລາວ ສືບຕໍ່ຮ່ວມມື ກັບວຽດນາມ ກ່ຽວກັບ ການກວດກາ ອົງການແຫ່ງຣັຖ ໃຫ້ເລິກເຊີ້ງ ຂື້ນກ່ວາເກົ່າ
- ຕຳຣວຈ ນະຄອນຫລວງວຽງຈັນ ຈັບຜູ້ຕ້ອງຫາ ໃຊ້ກາຈ້ຳປອມ 2 ຄົນ ພ້ອມດ້ວຍ ກາຈ້ຳປອມ 100 ກວ່າອັນ ຮວມທັງ ຂອງທາງກາຣ ຣະດັບສູງ
- ທາງກາຣປະເທດນໍຣ໌ເວຍ໌ ຊອກຫາ ຊ່ອງທາງອື່ນ ເພື່ອສືບຕໍ່ ໃຫ້ກາຣບໍຣິກາຣ ຫລັງຈາກ ທີ່ສະຖານທູຕ “ສວີເດນ” ຖືກປິດລົງ ໃນ ເດືອນສີງຫາ ນີ້ເປັນຕົ້ນໄປ
- ເຮືອຫາງຍາວ ຫລົ້ມໃນກາງລຳນ້ຳຂອງ ເຮັດໃຫ້ ມີຜູ້ເສັຽຊີວີຕ ຫລີຍັງຫາຍສາບສູນ 15 ຄົນ
- ໂຄງການສ້າງເຂື່ອນ ເຊກະໝານ-1 ຕອ້ງການຄົນງານ ຫລາຍກ່ວາ 2,000 ຄົນ
- ກະຊວງກະສິກັມຂອງລາວ ສົ່ງເສີມ ການລ້ຽງປາ ເພື່ອເປັນເສຖະກິດ ປະຈຳຄອບຄົວ ແລະ ໃຫ້ເປັນຕົວຢ່າງ ແກ່ຊາວບ້ານ ໃນຊຸມຊົນ
- ຜະແນກ ສາທາຣະນະສຸກ ແຂວງອັຕະປື ເຕືອນປະຊາຊົນ ບໍ່ໃຫ້ກິນ ອາຫານ ສຸກໆດິບໆ
- ການສໍາຣວດ ແລະສໍາພາດ ຊາວມົ້ງລາວ ຫ້ວຍນໍ້າຂາວ ສໍາເຣັດໄປແລ້ວ 70 ເປີເຊັນ ແລະຄາດວ່າ ຈະເສັດສີ້ນໃນໄວໆນີ້