Heptilik xewerler (17-23-féwral)


2007.02.23
Share on WhatsApp
Share on WhatsApp

Heptilik xewerler rabiye xanim erkinlik jengchisi dep teriplendi

Rabiye qadirning xelq'ara jem'iyettiki tesiri ashmaqta, 21- féwral kéni amérika délet mejlisi kutupxanisi we amérika döletlik démokratiyini ilgiri sürüsh fondi jem'iyiti teripidin, kommunistik tüzümge qarshi köresh qilip ghelibe qilghan démokratiye jengchisi, chéx jumhuriyitining sabiq prézidénti waslaw xawelni "démokratiyining tereqqiyatigha qoshqan töhpisi" üchün mukapatlash yighini ötküzüldi.

Yighin'gha dunya Uyghur qurultiyining re'isi rabiye qadir xanimmu qatnashqan bolup, amérika démokratiyini ilgiri sürüsh fondining bashliqi greshman ependi rabiye xanimni tonushturghandin kéyin, u sözge chiqip, özining waslaw xawelning yolini dawamlashturup, Uyghurlarning démokratik we kishilik hoquqlirini qolgha keltürüsh üchén köresh qilidighanliqini bildürdi.

Aslaw xawél rabiye qadirni dunyadiki meshhur sekkiz erkinlik jengchisining biri dep teriplep yuqiri baha berdi.

D u q rehberliri türkiyining yuqiri derijilik rehberliri bilen söhbetleshti

Dunya Uyghur qurultiyi bir qisim döletler hökümetliri bilen bir qatar uchrishish pa'aliyetliri élip bardi. Dunya Uyghur qurultiyining re'isi rabiye qadirning yol yoruqigha bina'en, d u q ning türkiyide turushluq mu'awin re'isi séyit tümtürk ependi bashchiliqidiki bir wekiller émmiki 21 – féwral kéni türkiye parlaméntigha bérip, sabiq tashqi ishlar ministiri yashar yaqish ependi, parlaméntning mu'awin bashliqi sadiq yaqut ependi qatarliq bir qisim muhim rehberler körüshüp, Uyghur mesilisi heqqide söhbet élip bardi.

Xitayning sabiq rehbiri déng shaw pingning ölümining on yilliqi jimjit ötküzüldi

Xitayning sabiq rehbiri déng shaw ping 1997-yili ölgen idi. Mana bu yil uning ölümige on yil toshti. Biraq, uchurlardin qarighanda, déngning ölümining 10 yilliqi jimjit ötküzüldi. Xewerlerge qarighanda, her yil déng shaw pingning ölümini daghdughiliq murasimlar bilen xatirileydighan xitayda bu yil héchqandaq murasim ötüzülmigen ötküzülmigen.

Fransiye agéntliqining xewer qilishiche, peqetla déng shaw pingning tughulghan jayi bolghan sichu'e|n ölkisining gu'an'gen shehiride bir nechche xatirilesh murasimi ötküzülgen.

Mawzédungning siyasiy we iqtisadiy tüzülmisige özgertish kirgüzgen déng shaw ping, 1997 - yili 19- féwral 92 yashta wapat bolghan.

Qirghizistanda murat nasirop xatirilendi

Qirghizistanda ataqliq Uyghur kompozitori we naxshichisi murat nasiropning 40 nezirisi bérildi. Bu pa'aliyetni ittipaq Uyghur jem'iyiti teshkilligen bolup, Uyghur jama'iti özlirining mezkur meshhur oghlanining tuyuqsiz wapatidin tolimu échin'ghan. Uyghurlarning "ittipaq" jem'iyitining re'isi rozi muhemmed abdulbaqi ependi murat nasiropning Uyghurlarni tonushturushta zor töhpe qoshqanliqini mu'eyyenleshtürdi.

Murat nasirop 19-yanwar kéni moskwada sirliq halda qaza qilghan idi.

Ikki medeniyet erbabi wapat boldi

Murat nasiropning wapatigha teziyiler bildürüliwatqan bu künlerde yene 19-féwral kéni ürümchi shehiride ataqliq Uyghur awaz we téléwiziye artisi, bir qanche yillardin buyan éghir késelge qarshi köresh qilip, kishilerge hayatliqini qedirlesh we söyüsh, hayatqa ümidwar bolush terbiyisi bérip, keng xelq arisida yaxshi tesirat qaldurghan 40 yashliq munewer ablet wapat boldi. Arqidin 22- féwral kéni közge körün'gen, ötkür mulahize pikirliri bilen Uyghurlarni terbiyilesh yolida qelem tewretken 43 yashliq edip we ma'arip pa'aliyetchisi muxtar qadir honzade mekit nahiyiside tuyuqsiz wapat boldi. Bu ikki neper yash medeniyet erbablirining ölümining Uyghurlar jümlidin yashlar arisida küchlük qayghu inkasliri qozghighanliqi melum.

Yawropa ittipaqi özbékistan metbu'at ishlirigha yardem bermekchi

Özbékistan amérika bilen bolghan munasiwetlirini yirikleshtürüp qoyghandin buyan yawropa ittipaqi bilen bolghan munasiwetni rawajlandurup kelmekte.

Yawropa ittipaqi özbékistanning "metbu'at erkinliki" xizmitini yaxshilash üchün ish bashlighan bolup, yawropa ittipaqi bir milyon 300 ming dollar ajritip, mingdin artuq özbékistanliq axbarat xadimi, hökümet bayanatchisi we oqughuchilarni mexsus terbiyilep béridiken.

Uchurlardin qarighanda, yawropa ittipaqining özbékistan bilen bolghan hemkarliqliri rawajlinishqa egiship, washin'gtondiki amérika awazi radi'osining özbék tilida anglitish bölümi emeldin qaldurulush qarar qilin'ghan.

Amérika mu'awin prézidénti dik chény yaponiye we awstraliyini ziyaret qildi

Amérikining mu'awin prézidénti dik chéyny ötken heptide yaponiye we awstraliyini ziyaret qildi. U yaponiye bash weziri shinzo abi bilen charshenbe kéni tokyoda söhbetleshkende ikki döletning xitayning herbiy xamchotni ashurush mesilisining ularning diqqitini qozghawatqanliqini bildürdi.

Shuningdek yaponiye bilen amérika ikki terep ortaq yosunda, xitayning hawa mudapi'e kéchini téz sürette ashurush mesilisini közitish hemkarliqi ornitishqa qoshulghan.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet