Baghrash kölining ékologiyilik muhiti éghir bulghanmaqta


2006.07.02

Nöwette Uyghur élidiki jümlidin xitay boyiche eng chong ichki quruqluq tatliq sü köli hésablan'ghan baghrash kölining ékilogiyilik muhiti éghir bulghiniwatqan bolup, buninggha asasliqi ademler teripidin kelgen buzghunchiliqlar seweb bolghan.

Teywen merkizi axbarat agéntliqining shinxu'a xewirini neqil keltürishiche, Uyghur aptonom rayonidiki munasiwetlik orunlar baghrash kölini saqlap qélish üchün, töt türlük qurulush élip bérishni pilanlighan. Ular sana'ettin chiqqan kéreksiz sularni tertipke sélish, sheherlerdiki turmushta ishlitilip qalghan paskina sularni tertipke sélish, déhqanchiliq meydanliridiki qalduq sularni retlesh we étizliqtin kéchip kölni saqlap qélish qatarliqlar.

Baghrash kölining su yüzi 1001 kuwadirat kilométir kélidighan bolup, bu xitay boyiche eng chong ichki quruqluq tatliq su köli hésablinidu. Emma baghrash köli süyining bulghinishigha asasliqi étizliqlardin chiqqan sular, sana'et kéreksiz suliri we turmushtiki paskina su qatarliq 3 chong amil sewep bolmaqta.

Uyghur aptonom rayoni tüzüp chiqqan yuqiridiki 4 chong qurulush boyiche, 5 yil ichide karxanilar chiqarghan kéreksiz su miqdarining ölchemdin éship kétish mesilisini hel qilish pilanlan'ghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.